Qazaqstan prezidentı Qasym-Jomart Toqaev Konstitusiia jobasyndaǧy qazaq jäne orys tılınıŋ märtebesıne qatysty pıkır bıldırdı, dep habarlaidy "Adyrna".
Memleket basşysy mäslihat deputattarynyŋ III respublikalyq forumynda «Jaŋa Konstitusiia jobasynda orys tılınıŋ märtebesın tömendetıp jatyr-mys degen küŋkıl äŋgıme» turaly aitqan.
«…Būl jaiynda jazylǧan maqalalardy oqudyŋ özı qyzyq. Stilistikalyq jäne grammatikalyq qatelerden aiaq alyp jüre almaisyŋ. Jariialanym avtorlary orys tılı üşın qam jeidı, bıraq özderı ony dūrys meŋgermegen. Tüptep kelgende, jaŋa Konstitusiia mätınınıŋ resmi qūjat retınde bırdei zaŋdy küşke ie qazaq jäne orys tılderınde jariialanuy köp närsenı aŋǧartpai ma? Būl jerde tüsınıkteme berıp, aqtaludyŋ özı artyq. Osy oraida qazaq tılınıŋ märtebesı tömendedı dep baibalam saludyŋ qajetı joq», – deidı Toqaev.
Jaŋa Konstitusiia jobasynda «Qazaqstan Respublikasynyŋ memlekettık tılı – qazaq tılı» dep naqty jazylǧan.
«Ana tılımız tek körkem ädebiette ǧana emes, elımızdıŋ qoǧamdyq-saiasi ömırınıŋ barlyq salasynda keŋınen qoldanylady. Eŋ maŋyzdysy, jastar arasynda qazaqşa söileu sänge ainaldy. Basqaşa aitqanda, qazaq tılınıŋ bolaşaǧy jarqyn. Keibıreuler tıl taǧdyryna alaŋdaǧan keiıp tanytyp, būl taqyrypty saiasi qūral retınde paidalanady. Qazaq jastary jaŋaşyldyqqa tez beiımdele aluymen erekşelenedı. Olar qazaqşa men orysşany qosa alǧanda, üş-tört tıldı erkın meŋgeredı. Mūny ainalamyzdan künde körıp jürmız», – degen prezident.
