Almatyda ötıp jatqan asa ırı kölemdegı «Digital Almaty» halyqaralyq forumy bügın şuǧa ūlasy. Ministr jäne özge de ärtürlı deŋgeidegı şeneunıkter qatysqan halyqaralyq forumnyŋ aiasynda qazaq tılın tabaldyryqqa deiın ysyrylyp, qazaq tıldılerdıŋ qūqyǧy taptaldy. Mūndai soiqanǧa şydamaǧan belsendı Nūrqoja Ersaiyn ornynan köterılıp, qatysuşylar men ūiymdastyruşylardy sözben soiyp saldy, dep habarlaidy "Adyrna" ūlttyq portaly.
Önerkäsıp salasynyŋ avtomattandyrudan sifrlandyruǧa köşuın, sifrlyq maining perspiktivalaryn, robottandyrudy qoldau salalaryn talqyǧa tüsken forumda qazaq tıldılerdı elep-eskergen eşkım bolmady. Mūndai adam tözgısız qylyqqa şydamaǧan belsendı Nūrqoja Ersaiyn zaldyŋ qaq törıne şyǧyp, ötkır pıkır bıldırdı.
> MR DN:- Aldymyzda söilep tūrǧan jetı adamnyŋ beseuı - qazaq. Zalǧa jinalǧandardyŋ 90 paiyzy qazaq. Äkımnıŋ orynbasary otyr. Ol da orysşa söilep otyr. Nelıkten qazaqşa söilemeisızder? Būl didjital Almaty ma, älde didjital Mäskeu me? - dep mäselenı tötesınen qoidy azamat.
View this post on Instagram
Belsendınıŋ ūstanymy men "qazaq tılın qadırlemegen" forum aitaqşylaryna qatysty azamattyq jurnalister, ūlttyq sanasy myǧym jastar pıkır bıldırdı.
Jurnalist Jalǧas Ertai:
Bızdıŋ bilık memlekettık tıldı diskriminasiialaumen ainalysady.
Almatydaǧy forumǧa premer-ministr, ministr, ärtürlı deŋgeidegı şeneunıkter qatysty. Olardyŋ bärı sözın, prezentasiiasyn tolyqtai orysşa jasaǧanyna senımdımın. Ol forumǧa barmasam da, bilık ökılderınıŋ bırde-bırı qazaqşa prezentasiia jasamaǧanyn senımmen aita alamyn.
Memlekettık tılge kelgen kezde “köpşılık tüsınsın”, “qazaqşa bılmeitınder de bar” degen qatynas bolmauy kerek. Tüsınbeitınder bolsa, audarma jasasyn. Bıraq memleket qyzmetşısı memlekettık tıldı diskriminasiialauǧa jol bermeuı kerek edı.
“Memlekettık tıl turaly” zaŋ qabyldanyp, memlekettık tıldıŋ qoldanys aiasyn naqty bekıtıp, tek memlekettık tılde söileitın memlekettık qyzmetşıler tızımın jasamaiynşa, osylai jürgenımız - jürgen.
Belsendı Qairat Jarylqasynūly:
Dūrys! Soiyp salu kerek osylai. Ana äkım orynbasarynyŋ betıne basyp aitqanyŋyz öte dūrys boldy!Memlekettık qyzmetkerler memlekettık tıldı aiaq asty etıp, kerek etpei jür. Qyzmetten quu kerek şetterınen.
Belsendı Daniiar Janys:
Didjital Almaty ma, Didjital Mäskeu me? Tarih aǧaiymyzdyŋ sūraǧy dūrys, bıraq keş sekıldı. Bızdıŋ bır kemşılık - bırneşe kün qalǧanda "Şara 60 paiyz öte me? Älde qai tılde ötedı. Bızdıŋ talap qazaq tılınde ötu kerek" degen sekıldı hat jazyluy tiıs. Sosyn ūiymdastyruşylar da oilanady ǧoi. "Eeee, bız barlyq orystardy jinap aldyq. Qoi, jartysyn qazaqşa söileteiık" dep. Al şaranyŋ jospary bekıtılıp, bärı bolyp jatqanda olar ärine "kelesı jolmen" şyǧaryp sala salady. Qūqyǧymyzdyŋ būzylmauy üşın mındetımızdı de dūrys bıluımız kerek.
"Adyrna" ūlttyq portaly
Ūqsas jaŋalyqtar
