Memleket basşysynyŋ 2026 jylǧy 16 nauryzdaǧy «Kıtap oqu mädenietın damytu jäne ziiatkerlık ūlt qalyptastyru turaly» Jarlyǧyn ıske asyru aiasynda Qazaqstanda kıtap oqu mädenietın damytu, ūlttyq ädebiettı qoldau jäne kıtap industriiasynyŋ tūraqty damuyna jaŋa serpın beretın maŋyzdy qadam jasaldy.
Osy maqsatta «Kreativtı industriialardy damytu qory» korporativtık qory men «Kıtap oqityn ūlt – Chitaiuşaia nasiia» qoǧamdyq qory yntymaqtastyq turaly memorandumǧa qol qoidy.
Qūjatqa «Kreativtı industriialardy damytu qory» korporativtık qorynyŋ Basqarma töraǧasy Erlan Kanalimov pen «Kıtap oqityn ūlt – Chitaiuşaia nasiia» qoǧamdyq qorynyŋ töraǧasy Baqytjan Tūrlybekov qol qoidy.
Memorandumnyŋ basty maqsaty – kıtap oqityn auditoriiany keŋeitu arqyly ziiatkerlık önımge degen sūranysty qalyptastyru, ūlttyq ädebiettı qoldau jäne Qazaqstandaǧy kıtap industriiasynyŋ tūraqty damuyna jaǧdai jasau.
Yntymaqtastyq aiasynda taraptar «Kıtap oqityn ūlt» respublikalyq marafonyn bırlesıp jüzege asyryp, kıtap oqu mädenietın qalyptastyruǧa, oqyrman qauymyn keŋeituge jäne ädebiet pen kreativtı industriialar arasyndaǧy bailanysty nyǧaituǧa baǧyttalǧan jüielı jūmystar jürgızedı. Sonymen qatar forumdar, festivalder, körmeler, şyǧarmaşylyq kezdesuler, därıster, seminarlar jäne özge de mädeni-aǧartuşylyq ıs-şaralar ūiymdastyrylady.
Jobanyŋ basty erekşelıgı – onyŋ auqymy. Biyl respublika boiynşa 1 millionnan astam azamatty kıtap oquǧa tartu josparlanyp otyr. Ärbır qatysuşy 15 kıtapqa deiın oqidy, al jobaǧa qazaq jäne orys tılderındegı 300-den astam şyǧarma engızılgen.
Osylaişa joba aiasynda 15 millionǧa deiın kıtap oqylymyn qalyptastyru közdelıp otyr. Būl – kıtapqa degen naqty sūranystyŋ artuy ǧana emes, sonymen bırge otandyq avtorlar, baspalar, kıtap dükenderı, audarma jobalary jäne şyǧarmaşylyq industriialar üşın jaŋa mümkındıkterdıŋ qalyptasuyna negız bolady.
«Bügın qol qoiylǧan memorandum – Memleket basşysynyŋ 2026 jylǧy 16 nauryzdaǧy «Kıtap oqu mädenietın damytu jäne ziiatkerlık ūlt qalyptastyru turaly» Jarlyǧyn ıske asyru jolyndaǧy naqty qadam. Būl qūjat kıtap oqu mädenietın damytuǧa, ūlttyq ädebiettı qoldauǧa jäne Qazaqstandaǧy kıtap industriiasynyŋ jaŋa mümkındıkterın qalyptastyruǧa baǧyttalǧan maŋyzdy ärıptestıktıŋ negızın qalaidy. Kreativtı ekonomika şyǧarmaşylyq önımmen ǧana ölşenbeidı. Onyŋ negızınde ideia, bılım jäne ziiatkerlık menşık jatyr. Al osy qūndylyqtardyŋ qainar közı – kıtap. Milliondaǧan jaŋa oqyrmannyŋ qalyptasuy otandyq avtorlar men baspalardyŋ damuyna, jaŋa şyǧarmaşylyq jobalardyŋ jüzege asuyna jäne kreativtı industriialardyŋ nyǧaiuyna tyŋ serpın beredı», – dedı «Kreativtı industriialardy damytu qory» korporativtık qorynyŋ Basqarma töraǧasy Erlan Kanalimov.
Öz kezegınde «Kıtap oqityn ūlt – Chitaiuşaia nasiia» qoǧamdyq qorynyŋ töraǧasy Baqytjan Tūrlybekov kıtap industriiasynyŋ tūraqty damuy eŋ aldymen tūraqty oqyrman auditoriiasynyŋ qalyptasuyna bailanysty ekenın atap öttı.
«Bız avtorlardy, baspalardy jäne kıtap dükenderın qoldai alamyz. Alaida kıtapqa degen tūraqty sūranys qalyptaspaiynşa, salanyŋ tolyqqandy damuy mümkın emes. Sondyqtan bızdıŋ basty mındetımız – milliondaǧan azamatty kıtap oquǧa tartu arqyly jaŋa oqyrman mädenietın qalyptastyru», – dedı ol.
Taraptar serıktestık aiasynda kıtap oqu mädenietın damytuǧa baǧyttalǧan ūzaq merzımdı jobalardy bırlesıp ıske asyryp, ädebi şyǧarmaşylyqty qoldau, täjıribe almasu jäne mädeni-aǧartuşylyq bastamalardy jüielı türde jüzege asyratyn bolady.
Qol qoiylǧan memorandum Memleket basşysynyŋ kıtap oqu mädenietın damytu jäne ziiatkerlık ūlt qalyptastyru jönındegı Jarlyǧyn ıske asyruǧa öz ülesın qosyp, kıtap oquǧa degen qoǧamdyq qyzyǧuşylyqty arttyruǧa, ūlttyq ädebiettı keŋınen nasihattauǧa, intellektualdyq kapitaldy damytuǧa jäne Qazaqstannyŋ kreativtı industriialary ekojüiesın nyǧaituǧa baǧyttalǧan jaŋa bırlesken jobalardy ıske asyrudyŋ berık negızın qalaidy.
