Búgin «AMANAT» partııasynyń Qaraǵandy oblystyq fılıalynda «Kitap-AMANAT» mádenı-aǵartý ortalyǵynyń ashylýy ótti.
Alǵashqy osyndaı ortalyq aǵymdaǵy jyldyń 22 qyrkúıeginde Almaty qalasynda Qazaqstan Respýblıkasy Parlamenti Májilisiniń Tóraǵasy, «AMANAT» partııasynyń Tóraǵasy Erlan Jaqanuly Qoshanovtyń qatysýymen ashyldy.
Jobanyń maqsaty – «AMANAT» partııasy janynan oqyrman mádenıetiniń qundylyqtaryn qalyptastyratyn zııatkerlik eko-qoǵamdastyq qurý.
Jobanyń ózektiligi - Qazaqstannyń progress jáne údemeli damý joly, ınklıýzıvti ekonomıka qurý azamattardyń qoǵamdyq sanasynyń ózgerýimen jáne Ulttyń jańa sapasynyń qalyptasýymen baılanysty ekeni belgili.
Buǵan memleket Basshysy Qasym-Jomart Toqaev «Adal azamat» tujyrymdamasynyń mánin ashyp, shaqyrady. Jańa formaııadaǵy azamattardyń joǵary ıntellektisi men oı-órisi Qazaqstannyń básekege qabiletti adamı kapıtaly bar elge aınalýynyń negizgi faktorlaryna aınalýy tıis.
Sonymen qatar, álemdik úrdisterge súıene otyryp, Qazaqstanda kreatıvti ındýstrııany damytý qajettiligi týyndady, onyń negizin adamdardyń zııatkerlik jáne shyǵarmashylyq kapıtaly quraıdy. El Prezıdentiniń «Ádil Qazaqstannyń ekonomıkalyq baǵyty» joldaýynda kórsetilgen kreatıvti ındýstrııanyń óńirlik ortalyqtaryn ashý jónindegi mindetter zııatkerlik qyzmetpen baılanysty ekonomıkanyń osy sektorynyń sapaly serpilisine yqpal etetin bolady.
Qaraǵandyda «Kitap-AMANAT» ortalyǵyn Qaraǵandy oblysynyń ákimi Ermaǵanbet Bólekpaev, onyń orynbasary Erlan Qusaıyn, «AMANAT» partııasynyń hatshysy Sholpan Karınova, partııanyń oblystyq fılıalynyń tóraǵasy Bekzat Altynbekov ashty. Saltanatty ashylý saltanatyna Qaraǵandy qalasynyń qurmetti turǵyndary, aǵartý ardagerleri, Qazaqstannyń eńbek sińirgen qaıratkeri, Qazaqstan Jazýshylar odaǵynyń Qaraǵandy bólimshesiniń dırektory Serik Aqsunqaruly, E.A.Bóketov atyndaǵy Qaraǵandy ýnıversıtetiniń professory Qoıylybaı Asanov, "Ortalyq Qazaqstan" gazetiniń bas redaktory Erkin Musabekov jáne óńirimizdiń shyǵarmashylyq zııaly qaýym ókilderi, qoǵam qaıratkerleri qatysty.
Saltanatty is-shara barysynda aýkıon ótkizilip, mazmuny jaǵynan biregeı basylymdar oınaldy. Oblys ákimi de beı-jaı qalmady jáne ortalyqtan avtor Djek Mannnyń qazaq redakııasyndaǵy kitapty satyp aldy.
«Kitap-AMANAT ortalyǵy ashylýmen shyn júrekten quttyqtaımyn! Jaqsy kitap - aqyldy adamnyń áńgimesimen birdeı.» dep atap ótti Ermaǵanbet Qabdýlauly.
Qaraǵandylyqtar úshin qalanyń qoǵamdyq kóliginde QR kómegimen kitap oqý múmkindigi jaǵymdy syılyq boldy. Endi joldaǵy kez-kelgen jolaýshy ózine unaıtyn kez-kelgen kitapty kodty skanerleý arqyly onlaın formatta oqı alady.
«Kitap - ómir ustazy. Sondyqtan jastar kitap oqýdy kúndelikti ádet qylýy tıis. Kitap oqymaı ómirdi bilý, bilim alý múmkin emes.» dep qosty Serik Aqsuńqaruly.
Qaraǵandy qalasyndaǵy «Kitap-AMANAT» mádenı-aǵartý ortalyǵynyń mekenjaıy: Álıhanov kóshesi 4, «AMANAT» partııasynyń Qaraǵandy oblystyq fılıaly.
