«Taza Qazaqstan» jalpyūlttyq ekologiialyq aksiiasy aiasynda «EcoHackathon Jetisu: Jasyl bolaşaq» ekologiialyq hakatony ūiymdastyryldy.
Is-şaranyŋ basty maqsaty – jastardyŋ ekologiialyq mädenietın qalyptastyru, qorşaǧan ortany qorǧauǧa degen jauapkerşılıgın arttyru, tabiǧatty saqtau baǧytynda tyŋ ideialar men innovasiialyq jobalardy äzırleuge yntalandyru boldy. Sonymen qatar jastardyŋ şyǧarmaşylyq jäne ziiatkerlık äleuetın damytuǧa, ekologiialyq mäselelerdı şeşuge baǧyttalǧan bastamalaryn qoldauǧa basymdyq berıldı.
- Hakaton barysynda qatysuşylar komandalarǧa bölınıp, tabiǧatty qorǧau jäne ekologiialyq qauıpsızdıktı qamtamasyz etu baǧytyndaǧy özektı mäselelerdı talqylady. Atap aitqanda, qorşaǧan ortanyŋ lastanuyn azaitu, tūrmystyq qaldyqtardy sūryptau jäne qaita öŋdeu, su resurstaryn ünemdeu, aumaqtardy kögaldandyru, jasyl tehnologiialardy engızu jäne ekologiialyq mädeniettı qalyptastyru taqyryptary boiynşa jobalar äzırledı.
Qatysuşylar öz ideialaryn naqty jobalyq ūsynystarǧa ainaldyryp, olardyŋ tiımdılıgı men jüzege asyru mümkındıkterın tanystyrdy. Sondai-aq komandalyq jūmys, kreativtı oilau, mäselenı taldau jäne ony şeşudıŋ oŋtaily joldaryn ūsynu daǧdylaryn körsettı.
Hakaton jastardyŋ ekologiialyq mäselelerdı talqylap qana qoimai, olardy şeşuge baǧyttalǧan naqty bastamalar men praktikalyq ūsynystar äzırleuıne mümkındık berdı. Ūsynylǧan jobalar öŋırdıŋ ekologiialyq ahualyn jaqsartuǧa jäne tabiǧatty qorǧau mädenietın damytuǧa baǧyttaldy, - dedı «Tomorrow School Taldykorgan» departamentınıŋ mentory Arsen Orynbas.
