Memleket basşysy Qasym-Jomart Toqaevtyŋ «Taza Qazaqstan» jalpyūlttyq bastamasy aiasynda Türkıstan oblysynda ekologiialyq aksiia ūiymdastyryldy. Atalǧan şara Tülkıbas audanyndaǧy «Aqsu-Jabaǧyly» memlekettık tabiǧi qoryǧynyŋ 100 jyldyǧyna orai qoryq aumaǧynda ötıp, «Taza Qazaqstan» ekologiialyq aksiiasy aiasynda Qazaqstan Respublikasy Prezidentımen teleköpır bailanysy ornatyldy.
Tabiǧatty qorǧau jäne ekologiialyq mädeniettı arttyru maqsatynda ötken aksiiaǧa qatysuşylar arnaiy ornatylǧan LED ekran aldyna jinalyp, teleköpır arqyly Memleket basşysymen tıkelei bailanysqa şyqty. Onlain kezdesu barysynda Türkıstan oblysynyŋ äkımı Nūralhan Köşerov jäne «Aqsu-Jabaǧyly memlekettık tabiǧi qoryǧynyŋ» eko-volenterı Aida Orynbasarqyzy söz söiledı.
Oblys äkımı öŋır tūrǧyndary «Taza Qazaqstan» jalpyūlttyq bastamasyn belsendı qoldap otyrǧanyn atap öttı.
– Türkıstan oblysynyŋ halqy «Taza Qazaqstan» jalpyūlttyq baǧdarlamasynyŋ jazǧy mausymyn bastauǧa daiyn. Baǧdarlama bastalǧaly öŋırde 2 millionnan astam aǧaş egılıp, eldı mekenderdıŋ sanitarlyq tazalyǧy üşın 400-ge juyq jaŋa tehnika satyp alynǧan. Sonymen qatar 11 saiabaq, 8 skver jäne 4 alleia paidalanuǧa berıldı. «Möldır būlaq» aksiiasy aiasynda 155 būlaq, 77 özen tazartyldy. Bügın oblystyŋ barlyq audan, qalasynda «Taza Qazaqstan» baǧdarlamasy aiasynda auqymdy ıs-şara ötkızılıp, 20 myŋ tüp aǧaş egıldı. Is-şaraǧa 340 tehnika jūmyldyryldy. Nätijesınde 350 tonna qoqys şyǧarylyp, 17 myŋ gektar jer tazardy. Jalpy 2026 jyly 1 millionnan astam aǧaş egu josparlanyp otyr, – degen oblys äkımı biyl äigılı «Aqsu-Jabaǧyly» qoryǧyna 100 jyl tolyp otyrǧanyn aityp, qoryq ūjymy januarlar men ösımdıkter älemın janaşyrlyqpen qorǧap kele jatqanyn jetkızdı.
Teleköpır aiasynda Türkıstan oblysymen qatar Pavlodar oblysy, Batys jäne Şyǧys Qazaqstan oblystary tıkelei efirge qosyldy.
Jalpy qoryq aumaǧynda ötken şaraǧa 2 myŋnan asa adam qatysyp, 1000 tüp köşet egıldı.
Aita keteiık, 1926 jyly qūrylǧan «Aqsu-Jabaǧyly» qoryǧy – elımızdegı tūŋǧyş tabiǧi qoryq. Qoryq aumaǧy 131 myŋ gektardan asady jäne Qyrǧyzstan men Özbekstan memleketterımen şekaralas ornalasqan.
Qoryq florasy men faunasy erekşe bai. Mūnda 1300-den astam ösımdık türı, sonyŋ ışınde sirek kezdesetın qyzǧaldaqtar ösedı. Sonymen qatar qar barysy, arqar, tauteke, sıleusın, qoŋyr aiu siiaqty sirek januarlar mekendeidı. Aqsu-Jabaǧyly qoryǧy tek tabiǧatty qorǧau orny ǧana emes, sonymen qatar ǧylymi zertteu jürgızetın maŋyzdy aimaq. Ol IýNESKO-nyŋ biosferalyq rezervattar tızımıne engızılgen.
