2026 jyldyŋ 17 şıldesınde «Taza Qazaqstan» jalpyūlttyq ekologiialyq aksiiasy aiasynda Taraz qalasyndaǧy Tūrar Rysqūlov atyndaǧy ortalyq mädeniet jäne demalys saiabaǧynda «Taza qala – denı sau qoǧam» taqyrybynda ekologiialyq aksiia ūiymdastyryldy.
Tūrar Rysqūlov atyndaǧy ortalyq mädeniet jäne demalys saiabaǧy – Taraz qalasynyŋ tūrǧyndary men qonaqtary jiı demalatyn, qala tynysyn aiqyndaityn maŋyzdy mädeni-sauyqtyru oryndarynyŋ bırı. Saiabaq aumaǧynda jasyl jelekter, demalys oryndary, seruendeu alaŋdary ornalasqan. Mūnda qalalyq mädeni ıs-şaralar, merekelık baǧdarlamalar, ekologiialyq aksiialar men qoǧamdyq bastamalar ötkızılıp tūrady. Sondyqtan keşen aumaǧyn abattandyru, sanitarlyq tazalyǧyn saqtau jäne keluşıler üşın qolaily jaǧdai qalyptastyru baǧytyndaǧy jūmystar tūraqty türde jürgızılude.
Ekologiialyq aksiiaǧa qala jastary, erıktıler jäne jastar ūiymdarynyŋ ökılderı belsendı qatysty. Is-şara barysynda qatysuşylar kesene aumaǧynda tazalyq jūmystaryn jürgızıp, quraǧan aǧaştar men tūrmystyq qaldyqtardy jinady.
İgı bastamaǧa ūiytqy bolǧan Taraz qalasy jastar resurstyq ortalyǧynyŋ direktory Azamat Lesbektıŋ aituynşa, «Taza Qazaqstan» jalpyūlttyq ekologiialyq aksiiasy – qorşaǧan ortany qorǧauǧa, qala tazalyǧyn saqtauǧa jäne tūrǧyndardyŋ ekologiialyq mädenietın qalyptastyruǧa baǧyttalǧan maŋyzdy joba.
– Tazalyq – ainalamyzdy retke keltıru ǧana emes, ol adamnyŋ tabiǧatqa, tuǧan jerıne degen közqarasynyŋ körınısı. Bügın Tūrar Rysqūlov atyndaǧy ortalyq mädeniet jäne demalys saiabaǧynda ūiymdastyrylǧan senbılıkke qatysqan ärbır azamat qalamyzdyŋ körkeiuıne öz ülesın qosty. Ekologiialyq mädeniet kündelıktı ädetten, qarapaiym äreketten bastalady. Eger ärqaisymyz qorşaǧan ortaǧa jauapkerşılıkpen qarasaq, taza ärı jaily qala qalyptastyruǧa bırge qol jetkızemız», – dedı Azamat Lesbek.
Aksiiaǧa 100-den astam jastar ūiymdarynyŋ ökılderı, erıktıler men belsendı jastar qatysty. Nätijesınde ortalyq saiabaq aumaǧynan 3 tonnaǧa juyq qoqys şyǧarylyp, mädeni-sauyqtyru oryndarynyŋ ainalasy tazartyldy.
Aita ketu kerek, osyndai ekologiialyq şaralar oblystyŋ bırqatar audandarynda ūiymdastyrylyp, erıktıler men jastar auyl köşelerın, özen jaǧalaularyn, ortalyq saiabaqtar men qoǧamdyq oryndardy tazalau jūmystaryn jürgızdı.
Aksiia barysynda qatysuşylarǧa qorşaǧan ortany qorǧau, ekologiialyq mädeniettı qalyptastyru jäne qoǧamdyq oryndarda tazalyq saqtau jönınde tüsındıru jūmystary jürgızıldı. Ūiymdastyruşylar mūndai bastamalar tūrǧyndardyŋ tabiǧatqa janaşyrlyqpen qarauyna, tuǧan ölkenıŋ tazalyǧy men körkeiuıne üles qosuyna yqpal etetının atap öttı.
Jalpy, «Taza Qazaqstan» aksiiasy aiasynda Jambyl oblysynda auqymdy jūmystar jüzege asyryluda. Bügıngı künge deiın öŋırde 48,5 myŋ jasyl jelek otyrǧyzylyp, 3,5 myŋ şaqyrym köşe joldary tazartyldy. Sondai-aq 831 şaqyrym aryq jüielerı men kanaldar retke keltırılıp, 685,5 myŋ şarşy metr saiabaqtar men skverlerdıŋ aumaǧy abattandyryldy. Nätijesınde 6,1 myŋ juyq tonnadan astam kül-qoqys şyǧarylǧan.
«Taza Qazaqstan» aksiiasy aiasyndaǧy mūndai şaralar öŋırdıŋ ekologiialyq ahualyn jaqsartumen qatar, qoǧamda tazalyq pen jauapkerşılık mädenietın qalyptastyruǧa, qorşaǧan ortaǧa ūqypty qarau daǧdylaryn nyǧaituǧa zor üles qosuda.
#TazaChallenge @TazaQazaqstan.
