Bügın - Qazaqstannyŋ eŋbek sıŋırgen öner qairatkerı Iýrii Aravinnıŋ tuǧan künı, dep habarlaidy "Adyrna" ūlttyq portaly.
1941 jyly 2 säuırde belgılı muzykatanuşy, pedagog, Qazaqstan Kompozitorlar odaǧynyŋ müşesı, «Parasat» jäne «Otan» ordenderınıŋ iegerı Iýrii Aravinnıŋ tuǧan.
Iýrii Aravin 1941 jyly Tver qalasynda düniege kelgen. Ol Novosibirsk konservatoriiasynyŋ tarihi-teoriialyq fakultetın jäne Almatydaǧy Qūrmanǧazy atyndaǧy memlekettık konservatoriianyŋ aspiranturasyn tämamdaǧan. 1973–1988 jyldary Qazaq memlekettık qyzdar pedagogikalyq instituty men Qūrmanǧazy atyndaǧy konservatoriiada därıs berıp, köptegen şäkırtter tärbieledı.
Iýrii Petrovich qazaq muzykasyn nasihattauda jäne folklorlyq mūrany zertteude erekşe eŋbek sıŋırgen tūlǧa boldy. Ol köptegen folklorlyq ekspedisiialardy ūiymdastyryp, köne muzykalyq tuyndylardy jaŋǧyrtty. Sonymen qatar, qazaq kompozitorlary men aqyndaryna arnalǧan tele- jäne radiobaǧdarlamalardy jürgızıp, ūlttyq önerdı keŋ auditoriiaǧa paş ettı.
Onyŋ eŋbekterı arasynda «Abaiǧa arnalǧan lirikalyq poema», «Halyq qaharmandaryna arnalǧan üş poema», «Tölebaev poemasy «Qazaqstan»», «Qazırgı ūiǧyr simfonizmınıŋ bastaulary» siiaqty zertteu jūmystar bar. Iýrii Aravin muzykalyq tarih jäne teoriia pänderı boiynşa oqu qūraldaryn jasauǧa qatysyp, teledidardaǧy «Dybystar muzeiı», «Qazaq muzykasynyŋ kışı antologiiasy» siiaqty baǧdarlamalardyŋ avtory boldy.
Qazaqstannyŋ eŋbek sıŋırgen öner qairatkerı, «Parasat» jäne «Otan» ordenderınıŋ iegerı, Qazaqstan Kompozitorlar odaǧynyŋ müşesı, professor Iýrii Aravin 2025 jyldyŋ 20 qazanda ömırden öttı.
