بۇگىن - قازاقستاننىڭ ەڭبەك سىڭىرگەن ونەر قايراتكەرى يۋري ءاراۆيننىڭ تۋعان كۇنى، دەپ حابارلايدى "ادىرنا" ۇلتتىق پورتالى.
1941 جىلى 2 ساۋىردە بەلگىلى مۋزىكاتانۋشى، پەداگوگ، قازاقستان كومپوزيتورلار وداعىنىڭ مۇشەسى، «پاراسات» جانە «وتان» وردەندەرىنىڭ يەگەرى يۋري ءاراۆيننىڭ تۋعان.
يۋري اراۆين 1941 جىلى تۆەر قالاسىندا دۇنيەگە كەلگەن. ول نوۆوسيبيرسك كونسەرۆاتورياسىنىڭ تاريحي-تەوريالىق فاكۋلتەتىن جانە الماتىداعى قۇرمانعازى اتىنداعى مەملەكەتتىك كونسەرۆاتوريانىڭ اسپيرانتۋراسىن تامامداعان. 1973–1988 جىلدارى قازاق مەملەكەتتىك قىزدار پەداگوگيكالىق ينستيتۋتى مەن قۇرمانعازى اتىنداعى كونسەرۆاتوريادا ءدارىس بەرىپ، كوپتەگەن شاكىرتتەر تاربيەلەدى.
يۋري پەتروۆيچ قازاق مۋزىكاسىن ناسيحاتتاۋدا جانە فولكلورلىق مۇرانى زەرتتەۋدە ەرەكشە ەڭبەك سىڭىرگەن تۇلعا بولدى. ول كوپتەگەن فولكلورلىق ەكسپەديتسيالاردى ۇيىمداستىرىپ، كونە مۋزىكالىق تۋىندىلاردى جاڭعىرتتى. سونىمەن قاتار، قازاق كومپوزيتورلارى مەن اقىندارىنا ارنالعان تەلە- جانە راديوباعدارلامالاردى جۇرگىزىپ، ۇلتتىق ونەردى كەڭ اۋديتورياعا پاش ەتتى.
ونىڭ ەڭبەكتەرى اراسىندا «ابايعا ارنالعان ليريكالىق پوەما»، «حالىق قاھارماندارىنا ارنالعان ءۇش پوەما»، «تولەباەۆ پوەماسى «قازاقستان»»، «قازىرگى ۇيعىر ءسيمفونيزمىنىڭ باستاۋلارى» سياقتى زەرتتەۋ جۇمىستار بار. يۋري اراۆين مۋزىكالىق تاريح جانە تەوريا پاندەرى بويىنشا وقۋ قۇرالدارىن جاساۋعا قاتىسىپ، تەلەديدارداعى «دىبىستار مۋزەيى»، «قازاق مۋزىكاسىنىڭ كىشى انتولوگياسى» سياقتى باعدارلامالاردىڭ اۆتورى بولدى.
قازاقستاننىڭ ەڭبەك سىڭىرگەن ونەر قايراتكەرى، «پاراسات» جانە «وتان» وردەندەرىنىڭ يەگەرى، قازاقستان كومپوزيتورلار وداعىنىڭ مۇشەسى، پروفەسسور يۋري اراۆين 2025 جىلدىڭ 20 قازاندا ومىردەن ءوتتى.
