Búgin jazýshy, "Qan men ter" trılogııasynyń avtory Ábdijámil Nurpeıisovtyń týǵanyna 99 jyl toldy.
Ábdijámil Nurpeıisov - 1924 jyly 22 qazan kúni Qyzylorda oblysynda ómirge kelgen. Qazaqstannyń halyq jazýshysy, XX ǵasyrda qazaq ádebıetine zor úles qosqan sýretkerlerdiń biri, qoǵam qaıratkeri Uly Otan soǵysyna qatysqan.
Jazýshy ádebıettegi jolyn mektep qabyrǵasynan bastaǵan. 10-synypty oqyp, povest jazýǵa bel býǵan. Áskerden qaıta oralǵannan keıin avtordyń jazǵandarynyń bári joǵalǵan.
Avtordyń "Kýrlıandııa" romany 1946 jyly jeltoqsanda áskerden keıin jazylǵan. Tyrnaqaldy kitaby úshin ol Jambyl atyndaǵy respýblıkalyq syılyqtyń laýreaty atanǵan edi.
XX ǵasyr qazaq ádebıetine mol sybaǵa qosqan sýretkerlerdiń biri – Ábdijámil Nurpeıisov. Onyń "Qan men ter" trılogııasynan ózge de shyǵarmalary otyz shaqty shetel tiline aýdarylyp, ádebıetti kúlli dúnıege tanytty.
Ókinishke oraı qazaq qoǵamy orny tolmas qazaǵa ushyrap, Ábdijámil Nurpeıisov 2022 jyly 5 aqpanda dúnıeden ozdy. Qazaqstannyń halyq jazýshysy, KSRO jáne Qazaqstan memlekettik syılyqtarynyń laýreaty, Qazaqstannyń Eńbek Eri, klassık jazýshy Ábdijámil Nurpeıisov 98 jasqa qaraǵan shaǵynda ómirden ótken.
