Qazaqstandaǧy QAZBILIM bılım beru jobasynyŋ ūlttyq liseiler baǧyty öz jūmysyn resmi türde toqtatty, dep habarlaidy "Adyrna" ūlttyq portaly.
Joba jetekşısı Aiatjan Ahmetjannyŋ aituynşa, liseilerdıŋ jabyluyna soŋǧy bırneşe jyldaǧy qarjylyq qiyndyqtar sebep bolǧan. Ūlttyq liseiler baǧyty tört jylǧa juyq uaqyt jūmys ıstep, köptegen oquşyǧa bılım bergen.
«2023 jyldyŋ nauryzynan bastalǧan ärtürlı qysymdar men qarjylyq qyspaqtyŋ saldarynan būl baǧyttyŋ jūmysyn resmi türde toqtattym. Būl – men üşın öte auyr şeşım», – dedı ol.
Joba jetekşısı būdan bylai küş-jıgerın QAZBILIM ortalyǧy men QAZBILIM kıtaptary baǧyttaryn damytuǧa jūmsaitynyn aitty. Onyŋ basty maqsaty – jinalǧan qaryzdardy öteu jäne öz mındettemelerın oryndau.
Sonymen qatar, ol QAZBILIM aiasynda sapaly bılım beru men kıtap şyǧaru ısı jalǧasatynyn atap öttı.
«Bız jüiemızdı saqtaimyz. Sondyqtan sapaly bılım beru qyzmetımızdı de, sapaly kıtaptar şyǧarudy da toqtatpaimyz», – dedı Aiatjan Ahmetjan.
Joba jetekşısı qoldau körsetken azamattarǧa alǧys bıldırıp, qandai da bır ziiany tigen adamdardan keşırım sūrady. Ol aldaǧy uaqytta jobanyŋ özge baǧyttary jūmysyn jalǧastyratynyna senım bıldırdı.
