Memlekettık keŋesşı Erlan Qarin «Ädılettı jäne Progressivtı Qazaqstannyŋ Halyqtyq Konstitusiiasy üşın!» jalpyūlttyq koalisiiasy müşelerımen bırge Aqtöbe oblysynyŋ jūrtşylyǧymen bırqatar kezdesu ötkızdı.
Memlekettık keŋesşımen bırge öŋırge Jalpyūlttyq koalisiia müşelerı – Qazaqstan Respublikasy Parlamentı Mäjılısı Töraǧasynyŋ orynbasary Daniia Espaeva, Ädılet ministrı Erlan Särsembaev, Prezident teleradio keşenınıŋ direktory Rauşan Qajybaeva, L.N. Gumilev atyndaǧy Euraziia ūlttyq universitetınıŋ prorektory İndira Rystina, teatr jäne kino akterı Asylhan Tölepov, prodiuser ärı käsıpker Almas Jali, Uni-Q Group mediaholdingınıŋ bas direktory Mūhamedqali Tauan, «Ūlttyq ruh» qoǧamdyq bırlestıgınıŋ jetekşısı Aiat Sügırbai bardy.
Sapar aiasyndaǧy negızgı ıs-şara öŋır aktivımen ötken kezdesu boldy. Oǧan myŋnan astam adam qatysty. Olardyŋ qatarynda öŋırdıŋ körnektı qoǧam qairatkerlerı, eŋbek ardagerlerı, mäslihat deputattary, qoǧamdyq keŋesterdıŋ, etnomädeni bırlestıkterdıŋ, saiasi partiialar men ükımettık emes ūiymdardyŋ müşelerı, bılım beru, densaulyq saqtau, mädeniet, sport, biznes salalarynyŋ ökılderı, jas köşbasşylar jäne özge de azamattar bar.
Kezdesu Aqtöbe oblysynyŋ äkımı Ashat Şaharovtyŋ baiandamasymen bastaldy.
Öz kezegınde Erlan Qarin Jaŋa Konstitusiia jobasyn äzırleu barysyna jäne onyŋ el bolaşaǧy üşın strategiialyq maŋyzyna jan-jaqty toqtaldy. Ol Jaŋa Konstitusiia bılım beru, ǧylym, innovasiialar men adam kapitalyn damytu ısın basym baǧyttar retınde aiqyndai otyryp, el damuyna tyŋ serpın beretının mälımdedı. Sondai-aq Jaŋa Konstitusiia elımızdegı barşa azamattyŋ, barlyq äleumettık jäne käsıbi top ökılderınıŋ müddesı men sūranysyn qamtitynyn erekşe atap öttı.
«Jaŋa Konstitusiia jobasynda adam kapitalyn, bılım beru ısın, ǧylym men innovasiialardy damytu mäselesı negızgı strategiialyq basymdyqtar retınde aiqyndaldy. Osylaişa, Jaŋa Konstitusiia memleket damuyna tyŋ serpın beredı. Jaŋa Konstitusiianyŋ mänı men maŋyzy – onyŋ elımızdegı barşa azamattyŋ, barlyq äleumettık jäne käsıbi top ökılderınıŋ müddesı men sūranysyn qamtuynda», – dedı Erlan Qarin.
Parlament Mäjılısı Töraǧasynyŋ orynbasary Daniia Espaeva bır palataly Parlament – Qūryltai qūruǧa qatysty institusionaldyq özgerısterdı jäne onyŋ bilıktıŋ zaŋ şyǧaruşy tarmaǧyn nyǧaitudaǧy, menşık qūqyǧy men ūlttyq ekonomika müddesın qorǧaudaǧy maŋyzyn tüsındırdı.
Ädılet ministrı Erlan Särsembaev azamattardyŋ qūqyqtary men bostandyqtarynyŋ kepıldıgın küşeitu, zaŋ üstemdıgın qamtamasyz etu jäne jaŋa konstitusiialyq normalardy täjıribe jüzınde ıske asyru mäselelerıne nazar audardy. Sondai-aq ministr ädılet jüiesındegı täuelsız advokaturanyŋ rölın nyǧaituǧa toqtaldy.
Aqtöbe oblysynyŋ tumasy, Eŋbek Erı Amanǧos Töleuov Jaŋa Konstitusiia mazmūnynyŋ äleumettık baǧyty men adamǧa negızdelgen baǧdaryn atap öttı.
Teatr jäne kino akterı Asylhan Tölepov jaŋa konstitusiialyq normalardyŋ mädeniettı, şyǧarmaşylyq erkındıktı jäne kreativtı industriiany damytudaǧy maŋyzyna män berdı.
Sapar aiasynda «Aqtöbe rels-arqalyq zauyty» käsıpornynda temırjol salasynyŋ qyzmetkerlerımen kezdesu öttı. Äŋgımelesu barysynda Erlan Qarin Jaŋa Konstitusiia memlekettık saiasattyŋ äleumettık baǧdaryn küşeitıp, azamattardyŋ eŋbek qūqyqtaryn qorǧau kepıldıkterın bekıtu arqyly eŋbek adamynyŋ märtebesın arttyratynyn atap öttı.
Keiın Q. Jūbanov atyndaǧy Aqtöbe öŋırlık universitetınde studentter qauymymen mazmūndy kezdesu ūiymdastyryldy. Erlan Qarin Qazaqstan tarihynyŋ köptomdyq akademiialyq jinaǧynyŋ negızgı jaŋaşyldyqtaryna toqtalyp, memlekettıŋ tarihi damuyna bırtūtas közqaras qalyptastyru jolyndaǧy otandyq ǧalymdardyŋ auqymdy ärı tyŋǧylyqty eŋbegıne nazar audardy. Ol konstitusiialyq reforma osy tarihi sabaqtastyqty jalǧastyra otyryp, memlekettılık qūndylyqtaryn bekıtetının jäne Qazaqstandy zamanaui, ädılettı ärı progressivtı memleket retınde odan ärı damytuǧa qūqyqtyq negız qalyptastyratynyn atap öttı.
Sonymen qatar öŋırdegı kreativtı sektor ökılderımen de kezdesu öttı. Aktobe IT Hub alaŋynda koalisiia müşelerı mädeniet salasynyŋ, IT-sektordyŋ jäne kreativtı industriia ökılderımen jüzdestı. Talqylau barysynda adam kapitalyn damytu, innovasiialardy qoldau jäne Jaŋa Konstitusiiada ǧylym, tehnologiia men şyǧarmaşylyq erkındık basymdyqtaryn bekıtu mäselelerı qozǧaldy.
Aimaqqa sapar barysynda taǧy bır maŋyzdy nysan – Aqtöbe JEO boldy. Jalpyūlttyq koalisiia müşelerı qala ömırınıŋ tūraqtylyǧy tıkelei osy ūjymnyŋ jūmysyna bailanysty ekenın atap ötıp, qyzmetkerlermen kezdestı.
Barlyq kezdesuler barysynda Aqtöbe oblysynyŋ tūrǧyndary Jaŋa Konstitusiia jobasy qoǧamnyŋ ädıldık pen institusionaldyq tūraqtylyqqa degen sūranysyna jauap beretının jäne memlekettı odan ärı jaŋǧyrtuǧa qajettı berık qūqyqtyq negız qalyptastyratynyn aitty.
Jalpy, öŋırde ötkızılgen kezdesuler Jaŋa Konstitusiia jobasyna keŋ qoldau bar ekenın körsettı. Sondai-aq jūrtşylyq 2026 jylǧy 15 nauryzda ötetın respublikalyq referendumǧa belsendı qatysuǧa joǧary qyzyǧuşylyq tanytyp otyrǧanyn jetkızdı.
Jalpyūlttyq Koalisiianyŋ baspasöz qyzmetı
Surettı tüsırgen: Äli Ǧalym
Daiyndaǧan: «AMANAT MEDIA GROUP» JŞS
Tapsyrys beruşı: M.J. Ospanov
«AMANAT» partiiasy» QB qarajatynan tölendı
