Memlekettık keŋesşı Erlan Qarin respublikalyq referendumda qabyldanǧan jaŋa Konstitusiianyŋ 1 şıldeden bastap küşıne enetının aityp, būl oqiǧany Qazaqstannyŋ damuyndaǧy jaŋa kezeŋnıŋ bastauy dep baǧalady, dep habarlaidy "Adyrna" ūlttyq portaly Jas Alaşqa sıltep.
Jaŋa redaksiiadaǧy Ata zaŋ eldegı saiasi instituttardy jaŋǧyrtuǧa, qūqyqtyq jüienı jetıldıruge jäne azamattardyŋ qūqyqtary men bostandyqtaryn qorǧaudy küşeituge baǧyttalǧan. Konstitusiia küşıne engennen keiın memlekettık basqarudyŋ jaŋa tetıkterı kezeŋ-kezeŋımen ıske qosylyp, bırqatar konstitusiialyq normalar qoldanysqa engızıledı.
Qūjatta memlekettık bilıktıŋ tiımdılıgın arttyruǧa, zaŋ üstemdıgın qamtamasyz etuge jäne qoǧamdaǧy tūraqtylyqty nyǧaituǧa basymdyq berılgen. Sonymen qatar joǧary lauazymdy tūlǧalardyŋ ökılettık merzımıne qatysty jaŋa talaptar engızılıp, Konstitusiiaǧa özgerıster men tolyqtyrular engızudıŋ jalǧyz tetıgı retınde jalpyhalyqtyq referendum qaǧidaty bekıtılgen.
Erlan Qarin jaŋa Konstitusiia ūlttyq bıregeilıktı nyǧaituǧa da erekşe män beretının atap öttı. Onyŋ sözınşe, alǧaş ret Ata zaŋnyŋ preambulasynda tarihi tamyr men Ūly Dalanyŋ mūrasy körınıs tauyp, tarihi-mädeni qūndylyqtardy saqtau, töl mädeniettı qoldau, dästürlı otbasy institutyn qorǧau, äielder men balalardyŋ qūqyqtaryn qamtamasyz etu sekıldı normalar bekıtılgen.
Memlekettık keŋesşı qūjatta ǧylym, bılım, innovasiia jäne adami kapitaldy damytu memlekettıŋ strategiialyq basymdyqtary retınde aiqyndalǧanyn, sondai-aq sifrlyq derekterdı qorǧau men zaiyrly memleket qaǧidattarynyŋ da küşeitılgenın aitty.
Onyŋ pıkırınşe, Konstitusiiadaǧy özgerısterdıŋ maŋyzdylyǧy tek jaŋa instituttardyŋ qūryluymen nemese saiasi reformalarmen şektelmeidı. Eŋ bastysy – qoǧamdyq sananyŋ jaŋǧyruyna, zaŋ men tärtıp qaǧidattarynyŋ ornyǧuyna jäne jauapty azamattyq ūstanymdardyŋ qalyptasuyna yqpal etuınde.
Erlan Qarinn jaŋa Ata zaŋ qūqyqtyq qūjat qana emes, sonymen qatar memlekettıŋ qūndylyqtar jüiesın, damu baǧyty men ūlttyq basymdyqtaryn aiqyndaityn negızgı qūjat retınde qyzmet etetının atap öttı.
