Aqtóbede kolledj basshysy para aldy degen kúdikpen ustaldy, dep habarlaıdy "Adyrna" ulttyq portaly Stan.kz-ke siltep.
ALT Aqtóbe gýmanıtarlyq-tehnıkalyq kolledj dırektory stýdentterden para aldy degen kúdikpen ustaldy. Beıresmı málimetterde kolledj dırektorynyń stýdentterdiń sessııasyn jabý úshin aqsha alǵany aıtylady.
Al Aqtóbe oblystyq bilim basqarmasy kolledj dırektorynyń ustalǵany týraly aqparatty rastap otyr.
“Iá, habarymyz bar. Bilip otyrmyz. Bul jeke bilim berý uıymy. Buryn M.Tynyshbaev atyndaǵy kolledj, ınstıtýt fılıaly boldy. Qazir ol jerde gýmanıtarlyq-tehnıkalyq kolledj jumys isteıdi. 720 stýdenti bar. Onyń ishinde 245 stýdent memlekettik tapsyryspen bilim alady. Jaǵdaıǵa qatysty jeke kolledj basshysyna qatysty tártiptik ne bosatý sekildi shara qoldaný bizdiń qolymyzda emes. Ol oqý ornynyń quryltaıshysy bar, sol jumys berýshi taraptan sheshim qabyldanady”, – dedi Aqtóbe oblystyq bilim basqarmasy basshysynyń orynbasary Nurgúl Bertileýova.
ALT Aqtóbe gýmanıtarlyq-tehnıkalyq kolledjiniń resmı paraqshasyna súıensek, 19 maýsym kúni dırektor janyndaǵy kezekti otyrys ótken. Oqý ornynyń dırektory 20 maýsymda ustalǵan bolýy múmkin degen aqparat bar.
