Aqtóbe oblysynda 8 adam qaza tapqan jantúrshigerlik apat ornynda foto men vıdeolar paıda boldy, dep habarlaıdy “Adyrna” ulttyq portaly Tengrinews.kz saıtyna siltep.
Aıta ketsek, 7 tamyzda Samara-Shymkent tas jolynyń 862-shi shaqyrymynda (Hromtaý aýdany) jol apaty bolyp, júk kóligi men mıkroavtobýs soqtyǵysqan.
Aýyr júk kóligimen soqtyǵysqan mınıvende 8 adam bolǵan: úsh er adam jáne bes bala. Barlyq jolaýshylar men júrgizýshi oqıǵa ornynda qaza tapty. Kólikte ákesimen birge eki ul – aǵaıyndylar bolǵan.
Bilim basqarmasynyń habarlaýynsha, 7 tamyz kúni tańerteń Toyota Ipsum kóligi Áıteke bı aýdanynan Mańǵystaý oblysyna bet alǵan. Balalar fýtbol týrnırine qatysýy kerek edi.
«Bizdiń málimet boıynsha, balalar ata-analarynyń ruqsatymen, tipti keıbireýleri ata-analarymen birge Mańǵystaý oblysyna 2013 jyly týǵan oqýshylao arasynda fýtboldan ótetin týrnırge jolǵa shyqqan. Bul týraly bizge resmı aqparat túsken joq. Resmı ruqsat, kelisim joq», - dedi ol buǵan deıin Aqtóbe oblysynyń bilim basqarmasynyń basshysy Jaıyq Sultan.
Polıııanyń málimetinshe, júk kóliginiń júrgizýshisi zardap shekpegen, qazir túsinikteme berip jatyr. Apattyń sebepteri anyqtalýda.
