Aqtöbe oblysynda 8 adam qaza tapqan jantürşıgerlık apat ornynda foto men videolar paida boldy, dep habarlaidy “Adyrna” ūlttyq portaly Tengrinews.kz saityna sıltep.
Aita ketsek, 7 tamyzda Samara-Şymkent tas jolynyŋ 862-şı şaqyrymynda (Hromtau audany) jol apaty bolyp, jük kölıgı men mikroavtobus soqtyǧysqan.
Auyr jük kölıgımen soqtyǧysqan minivende 8 adam bolǧan: üş er adam jäne bes bala. Barlyq jolauşylar men jürgızuşı oqiǧa ornynda qaza tapty. Kölıkte äkesımen bırge ekı ūl – aǧaiyndylar bolǧan.
Bılım basqarmasynyŋ habarlauynşa, 7 tamyz künı taŋerteŋ Toyota Ipsum kölıgı Äiteke bi audanynan Maŋǧystau oblysyna bet alǧan. Balalar futbol turnirıne qatysuy kerek edı.
«Bızdıŋ mälımet boiynşa, balalar ata-analarynyŋ rūqsatymen, tıptı keibıreulerı ata-analarymen bırge Maŋǧystau oblysyna 2013 jyly tuǧan oquşylao arasynda futboldan ötetın turnirge jolǧa şyqqan. Būl turaly bızge resmi aqparat tüsken joq. Resmi rūqsat, kelısım joq», - dedı ol būǧan deiın Aqtöbe oblysynyŋ bılım basqarmasynyŋ basşysy Jaiyq Sūltan.
Polisiianyŋ mälımetınşe, jük kölıgınıŋ jürgızuşısı zardap şekpegen, qazır tüsınıkteme berıp jatyr. Apattyŋ sebepterı anyqtaluda.
