Almaty qalasy Qoǧamdyq damu basqarmasynyŋ ūiymdastyruymen Qazaqstan Respublikasy Konstitusiiasynyŋ 30 jyldyǧyna arnalǧan «Yqpaldy Parlament: azamattardyŋ konstitusiialyq qūqyqtary» atty döŋgelek üstel öttı.
Is-şaraǧa mäslihat deputattary, qoǧam qairatkerlerı, qūqyqtanuşylar, sarapşylar men belsendı jastar qatysty.
Jiyn barysynda elımızdıŋ damu jolyndaǧy jetıstıkter men özgerısterge negız bolǧan Ata Zaŋnyŋ rölı, qūqyqtyq memlekettı qalyptastyrudaǧy maŋyzdylyǧy, zaŋ üstemdıgı, azamattardyŋ qūqyqtary men bostandyqtarynyŋ saqtaluy jäne jastardyŋ qūqyqtyq sauattylyǧyn arttyru mäselelerı keŋınen talqylandy.
Medisina ǧylymdarynyŋ doktory Zäureş Amanjolova jiyn barysynda Konstitusiianyŋ damuyna toqtalyp, öz pıkırın bıldırdı:
«30 jylda ärine köp ıster atqaryldy. Konstitusiiaǧa qanşama özgerıster engızıldı. Ärine, «köş jüre teŋeledı» deidı halqymyz. Adam balasy osy bız qalyptasyp kele jatqan kezde qandai bır erekşelıkter kerek, qandai bır özgerıster kerek sony Konstitusiiaǧa engızu ol ärine parlament arqyly jasalynatyn närse».
Almaty qalalyq Qoǧamdyq damu basqarmasynyŋ basşysy
Aidar Esenbekov Ata Zaŋnyŋ el damuyna qosqan ülesıne nazar audardy:
«Ata zaŋymyzdyŋ arqasynda bız tūraqty damuǧa qol jetkızdık. Azamattardyŋ äleumettık-ekonomikalyq jetıstıkterı, qūqyqtary men bostandyqtarynyŋ saqtaluy — osy Konstitusiianyŋ negızınde jüzege asyryluda. Sondyqtan, Konstitusiianyŋ mänı bız üşın öte zor».
Professor, Halyqaralyq informatizasiia akademiiasynyŋ akademigı, Jobalardy basqaru institutynyŋ müşesı Aleksei Sehovoi elımızdıŋ tarihi jolyna toqtalyp, oiymen bölıstı:
«Keŋes Odaǧynyŋ küireuı sekıldı asa kürdelı saiasi üderıstı Qazaqstan basqa respublikalarǧa qaraǧanda äldeqaida jeŋıl ötkerdı. Bız memlekettık egemendıgımızdı saqtap, nyǧaittyq, Konstitusiia arqyly özımızdıŋ Qazaqstan halqy ekenımızdı, iaǧni etnostardyŋ jiyntyǧy emes, bırtūtas halyq ekenımızdı sanaly türde tüsındık».
Sonymen qatar, Qazaqstan Respublikasy Konstitusiiasynyŋ 30 jyldyǧyna orai Almaty qalasynda ötkızıletın ıs-şaralar qatysuşylarǧa jetkızıldı.
