Búgin — taekvondodan qara belbeý altynshy dan ıegeri, Qazaqstan Respýblıkasy taekvondo federaııasynyń negizin qalaýshy, halyqaralyq dárejedegi jattyqtyrýshy Mustafa ÓZTÚRIKTIŃ (1954-1995) týǵan kúni.
Ataqty sportshy 1954 jyly qarashanyń 23-i kúni dúnıege keldi.
Ystambulda týǵan Mustafa Óztúrik – qazaq jáne túrik taekvondosynyń negizin qalaýshylardyń biri bolyp sanalady. Ol – 1930 jyldary atalary qıyn-qystaý kezde Qytaıdyń Altaıyna ketip, ol jerden Úndistan men Pákistan arqyly Túrkııaǵa ótken qazaq dıasporasynyń ókili.
Óztúrik 1975-1980 jyldary Taıbeıdegi Halyqaralyq saıasat ýnıversıtetinde oqyp, jýrnalıst mamandyǵy boıynsha dıplom alǵan. Resmı ómirbaıanyna sáıkes, osy elde taekvondo sportyna yntasy aýyp, shyǵys jekpe-jegin úırenedi de, sheberligin 7-kypqa (sary-jasyl belbeý) deıin jetkizedi. Eń joǵary shegi 10-kyp (aq belbeý) dep sanalatyn taekvondoda 7-kyp ıeleri ǵana «sahıýnnım», ıaǵnı sheber atalady. Oqý bitirgen soń Óztúrik Mıýnhende áskerıler men polıeılerge shyǵys jekpe-jeginen jattyqtyrýshy bolyp jumysqa turady. Keıin Germanııadaǵy alǵashqy taekvondo mektepteriniń birin ashady. 1980 jyldardyń basynda Stambýlda da Mustafa Óztúrik mektebi ashylyp, túrik shákirtteri álemdik jarystarda júlde ala bastaıdy.
1990 jyly kóktemde Mustafa Óztúrik Qazaqstannyń bılik ókilderiniń shaqyrtýymen tarıhı atajurtyna alǵash keledi. Kúzde Óztúrik qazaq jastaryn taekvondoǵa baýlý úshin Qazaqstanǵa birjola ornyǵyp, 1991 jyly Qazaqstan taekvondo federaııasyn qurady. 1992 jyly Qazaqstan Halyqaralyq taekvondo federaııasynyń (WTA) múshesi bolady. Osy jyly Mustafa Óztúrik Qazaqstan azamattyǵyn alady. Onyń shákirtteri alǵash ret 1992 jyly Túrkııadaǵy halyqaralyq jarysqa baryp, eki altynmen oralady.
1995 jyly Mustafa Óztúrik jattyqtyrǵan qazaqstandyq sportshylar áskerıler arasyndaǵy taekvondodan álem chempıonatynda ońtústikkoreıalyqtardy ǵana alǵa jiberip, komandalyq esepte ekinshi oryn alady.
Qazaqstan qalalarynyń kóptegen kóshelerine Mustafa Óztúrik esimi berilgen. Almaty oblysy Talǵar aýdanynyń Besaǵash aýylynda sportshyǵa eskertkish qoıylǵan. Kóptegen taekvondo mektepteri Mustafa Óztúrik esimimen atalady.
