Qūdai-au, qasiettı qazaq tılınıŋ mol sözdık qoryn, qūdyretın jappar iem maǧan berıp qoiǧanda, ony nege taza, saf, körkem küiınde qoldanbai jürmın degen bırtürlı ökınış özegımdı küidırıp öttı.
Özım de oŋbaimyn ǧoi. Tılımdı kesıp alsa, obalym joq!
Keşe keşte taksige otyrdym. Jürgızuşı orys azamaty eken. “Zdrastvuite” degen söz auzymnan sumaŋ etıp şyǧyp ülgerdı. “Salamatsyz ba?!” dep tıl qatty taksişı. Basymnan jalpaq taspen qoiyp qalǧandai boldym. Sosyn jol aqysyn audara qoiaiyn dep: “Nomer?..” dep aita bastaǧanym sol, “Mende kiuar, soǧan audarasyz” dedı taǧy da taza qazaqşa.
Jürıp kele jatqan kölıkten sekırıp tüsıp, ol menı taptap ketse obalym joqtai küi keştım. Şyn aitamyn!
Tıldıŋ damuyna tūsau salyp, ony şūbarlap jürgennıŋ bırı myna özım ekenımdı ūqtym. Qūdai-au, qasiettı qazaq tılınıŋ mol sözdık qoryn, qūdyretın jappar iem maǧan berıp qoiǧanda, ony nege taza, saf, körkem küiınde qoldanbai jürmın degen bırtürlı ökınış özegımdı küidırıp öttı.
Kölıkten tüsıp bara jatqanymda: “Sau bolyŋyz! Künıŋız sättı ötsın!” dedı ǧoi anau...
“Spasibo!” demedım. Sasqanymnan “Aumin, raqmet!” dedım…
"Auminım" artyqtau boldy-au...
