Májilis depýtaty Dáýlet Muqaev orys tilinde ótken adamı kapıtaldy damytýǵa arnalǵan “Human Capital Days” III Halyqaralyq forýmyn synǵa aldy, dep habarlaıdy “Adyrna” ulttyq portaly.
Depýtattyń aıtýynsha forým 100% orys tilinde ótken.
“Biz Qazaqstanda turamyz. Qazaq elinde turamyz. Búkil jıyndardyń 95%-y orys tilinde ótýin men quptamaımyn. Sóz bermeseńizder de, men qazaq tilinde sóıleıin” deıdi ol forýmda.
Aıta keteıik, “Human Capital Days” III Halyqaralyq forýmy– jyl saıyn Qazaqstan astanasynda ótetin adamı kapıtal men eńbek naryǵyn damytýǵa arnalǵan salalyq shara. Forým Qazaqstan Respýblıkasy Eńbek jáne halyqty áleýmettik qorǵaý mınıstrligi, Qazaqstan Respýblıkasy Indýstrııa jáne ınfraqurylymdyq damý mınıstrliginiń qoldaýymen uıymdastyryldy.
