Tanymal qazaq ánshisi Nurlan Alban Chocogroup kompanııasy baıkot jarııalaıtynyn aıtty. Bul týraly ol ınstagram paraqshasyna vıdeo jarııalady, dep habardaıdy “Adyrna” ulttyq portaly.
“Jer astynan jik shyqty, eki qulaǵy tik shyqty” degen sózdi biz bala kezimizde ańyz, ertegilerden estýshi edik. Qazir 21 ǵasyrda búgingi kúni búkil Alash jurtynyń ashýyn týǵyzǵan, jer astynan eki qulaǵy tik shyqqan Ramıl Mýhorıapov degen bir baıǵus kásipker paıda boldy. Bunyń basqaryp otyrǵan kompanııasy - Chocogroup. Jyldyq tabysy - 17 mln dollar. Iaǵnı, qazaqtyń nany jaqsy, sýy jaqsy, jeri jaqsy, aqshasy jaqsy, al qazaqtyń ózi baıǵus qalpyna tústi.
Ol “oryssha surap, sizge qazaqsha jaýap berse, bul - ultylshyldyqtyń ári tómen mádenıettiń belgisi”,- deıdi. Mundaı baǵa beretin ol kim? Joǵary jaqta otyrǵan, ásirese Qazaqstan Halqy Assambleıasynan áı deıtin áje, qoı deıtin qoja tabylǵan joq. Myna júgensiz ketken baıǵusty aýzyna kisen, aıaǵynan tusaý salatyn eshkimniń tabylmaǵany ma? Bul ultarazdyq úlken dúrbeleńdi týǵyzatynyn aıdan anyq.
Bul Chocogroup degen mobıldi qosymshalar. Ramıl Mýhorıapov degen baıǵusty aýyzǵa uratyn Alashtyń myqty IT tehnologııany meńgergen qazaq azamattary basym. Solarǵa kómekteseıik. Men óz basym baıkot jarııalaımyn. Eger de namysyńyz bolsa, qazaq bolyp týǵanyńyzǵa qýanyp jatsańyz siz de baıkot jarııalańyz! IT tehnologııany meńgergen qazaq baýyrlarymyzdyń isin dóńgeletip alyp ketýine at salysaıyq! Al Qazaqstan Halqy Assambleıasy buǵan dereý ún qatady degen senimdemiz”,- dedi ol.
