Tanymal qazaq änşısı Nūrlan Alban Chocogroup kompaniiasy baikot jariialaitynyn aitty. Būl turaly ol instagram paraqşasyna video jariialady, dep habardaidy “Adyrna” ūlttyq portaly.
“Jer astynan jık şyqty, ekı qūlaǧy tık şyqty” degen sözdı bız bala kezımızde aŋyz, ertegılerden estuşı edık. Qazır 21 ǧasyrda bügıngı künı bükıl Alaş jūrtynyŋ aşuyn tuǧyzǧan, jer astynan ekı qūlaǧy tık şyqqan Ramil Muhoriapov degen bır baiǧūs käsıpker paida boldy. Būnyŋ basqaryp otyrǧan kompaniiasy - Chocogroup. Jyldyq tabysy - 17 mln dollar. Iаǧni, qazaqtyŋ nany jaqsy, suy jaqsy, jerı jaqsy, aqşasy jaqsy, al qazaqtyŋ özı baiǧūs qalpyna tüstı.
Ol “orysşa sūrap, sızge qazaqşa jauap berse, būl - ūltylşyldyqtyŋ ärı tömen mädeniettıŋ belgısı”,- deidı. Mūndai baǧa beretın ol kım? Joǧary jaqta otyrǧan, äsırese Qazaqstan Halqy Assambleiasynan äi deitın äje, qoi deitın qoja tabylǧan joq. Myna jügensız ketken baiǧūsty auzyna kısen, aiaǧynan tūsau salatyn eşkımnıŋ tabylmaǧany ma? Būl ūltarazdyq ülken dürbeleŋdı tuǧyzatynyn aidan anyq.
Būl Chocogroup degen mobildı qosymşalar. Ramil Muhoriapov degen baiǧūsty auyzǧa ūratyn Alaştyŋ myqty IT tehnologiiany meŋgergen qazaq azamattary basym. Solarǧa kömekteseiık. Men öz basym baikot jariialaimyn. Eger de namysyŋyz bolsa, qazaq bolyp tuǧanyŋyzǧa quanyp jatsaŋyz sız de baikot jariialaŋyz! IT tehnologiiany meŋgergen qazaq bauyrlarymyzdyŋ ısın döŋgeletıp alyp ketuıne at salysaiyq! Al Qazaqstan Halqy Assambleiasy būǧan dereu ün qatady degen senımdemız”,- dedı ol.
