Elımızdegı mektepterdegı oqu kestesınde qazaq tılı sabaǧyn jai ǧana "qazaq tılı" demei "memlekettık tıl sabaǧy" dep ataǧan jön.
Būlai atau - mektep qabyrǧasynan bastap qazaq tılınıŋ memlekettık tıl ekendıgın, onyŋ asa maŋyzdylyǧyn kündelıktı öskeleŋ ūrpaqtyŋ sanasyna sıŋıredı.
Kıtaptyŋ mūqabasynda "Qazaq tılı" dep jazylǧan Memlekettık tıl sabaǧyna nemqūraily qaraudyŋ nemese jöndı qatyspai, naşar baǧa aludyŋ qandai bolatynyn oilap körıŋız?
Būl - memleketke, memlekettık tılge qūrmetsızdık jäne sauatsyzdyq bolady emes pe?
Qai bala ondai qatarda jürgısı keledı?
Memlekettık tıl sabaǧynan tapsyrylatyn emtihanda qoiylatyn baǧa oquşynyŋ joǧary oquǧa tüsuı üşın qajettı eŋ maŋyzdy körsetkışterdıŋ bırı boluǧa tiıs.
Osy baǧytpen jürsek, änūrandy balabaqşa kezınen jattap öskendei balalar memlekettık tılge de ülken qūrmetpen qaraudy üirenedı.
