Jýrnalıst Janerke Júnis óziniń feısbýk paraqshasynda qazaq qoǵamynda qalyptasqan ahýaldy sóz etip, qazaq tiliniń qoldanysyna qatysty pikir bildirdi, dep habarlaıdy "Adyrna" ulttyq portaly.
"Kafede otyrmyn. Oń jaǵymda eki qazaq mashına jaıly sóılesýde, orys tilinde. Sol jaǵymda eki qazaq páterge qatysty qor týraly áńgime aıtyp otyr. Orys tilinde... Ortada tórt túrik. Almatynyń aýa raıyn, kúnniń sýyqtyǵyn áńgime aıtyp tur. Túrik tilinde... Óz elimde, óz jerimde, óz tilimdi estı almaı men otyrmyn... Ne degen namyssyz qoǵam qurdyq. Mıym jetpedi", - dedi jýrnalıst.
Jýrnalıstiń ózek órter jazbasyna pikir bildirip, qazaq tiliniń qudiretine qatysty qýandyratyn, oılandyratyn, namysyńdy jonatyn sóz aıtqandar kóp.
"Álemde óz tilinde sóıleýden uıalatyn bizden basqa sorly ult joq shyǵar", "Qazaq tilin naǵyz tektilerdi daralap turatyn, qoǵamnyń brendine aınaldyrý siz ben bizdiń paryzymyz.Arapqul da, orysqul da endi eshqashan tolyq qandy qazaq qoǵamynyń múshesi bola almaıdy, ókinishke oraı. Bolashaq qazaq tilinde, ol anyq nárse. Biraq ýaqyt pen kóp eńbek kerek.Eń bastysy mem. tildi qorǵaıtyn zań kerek", "Emi uzaqqa sozylatyn dert bolyp tur. Onyń ımmýnıteti qatań zań jáne qazaǵymnyń birligi. Namysty, ór minezdi azamattar qatary tolysa bersin. Denimizge saýlyq dertimizge shıpa bersin!" dep pikir bildirdi oqyrmandar.
