Memleket basşysy Qasym-Jomart Toqaevtyŋ 2025 jyly Jambyl oblysyna jasaǧan jūmys sapary kielı öŋırdıŋ tarihyndaǧy taǧylymy tereŋ, el jadynda ūzaq saqtalatyn aituly oqiǧalarmen erekşelengenın jaqsy bılemız. Būl tek äleumettık-ekonomikalyq mäselelerdı qamtyǧan resmi ıssapar ǧana emes, sonymen qatar ūlttyq ruhty kötergen, tarihi ädılettılıktı qalpyna keltırgen taǧylymy tereŋ aituly oqiǧa retınde joǧary baǧalandy.
Sapar aiasynda qazaq halqynyŋ bırtuar perzentı, Ūly Otan soǧysynyŋ aŋyzǧa ainalǧan qaharmany, äskeri qolbasşy, jazuşy Bauyrjan Momyşūlyna «Halyq Qaharmany» ataǧynyŋ berıluı – osynyŋ aiqyn dälelı.
Būl şeşımnıŋ has batyrdyŋ kındık qany tamǧan tuǧan jerı topyraǧy qasiettı Jualy audanynyŋ jūrtşylyǧy üşın de mänı zor, maǧynasy erek. Onyŋ taǧylymdy taǧdyry men önegelı ömır joly jūldyzy biık Jualy audanynyŋ qoǧamdyq ömırımen, osynau kielı öŋırdıŋ taǧylymdy tarihymen, tūtastai alǧanda, ūlttyŋ ruhani bolmysymen bıte qainasqan desek, artyq aitqandyq emes.
Bauyrjan Momyşūlynyŋ erlıgı men tūlǧalyq dara bolmysy – sonau soǧys jyldarynan berı halyqtyŋ jadynda. Ol maidan dalasynda teŋdessız batyrlyǧymen tanylyp qana qoimai, soǧystan keiıngı beibıt ömırde de ūlt ruhaniiatyna ölşeusız üles qosty. Onyŋ äskeri-patriottyq eŋbekterı, adamgerşılık pen otansüigıştıkke ündeitın oi-tolǧamdary bırneşe buynnyŋ tälım-tärbiesıne negız boldy. Sondyqtan daŋqty qolbasşyǧa «Halyq Qaharmany» ataǧynyŋ berıluı halyq ūzaq jyl kütıp, uaqyt synynan ötken tarihi şeşım retınde qabyldandy.
Osynau quanyşty oqiǧaǧa orai Jambyl oblysynyŋ ziialy qauym ökılderı – qoǧam qairatkerlerı, ardagerler, aqyn-jazuşylar, ǧalymdar men mädeniet salasynyŋ körnektı ökılderı Memleket basşysyna alǧys hat joldap, onda Prezidenttıŋ Bauyrjan Momyşūlynyŋ erlıgın memleket deŋgeiınde joǧary baǧalap, tarihi ädılettı qalpyna keltırgenı üşın şynaiy rizaşylyq bıldırılgenı de erekşe atap aituǧa tūrarlyq igı ıs.
Alǧys hatta Bauyrjan Momyşūlyna «Halyq Qaharmany» joǧary ataǧyn beruge şeşım etu arqyly tarihi ädılettılıktı qalpyna keltırılgendıgı, būl tarihi şeşımnıŋ – ūlttyŋ ūly tūlǧalaryn ūlyqtaudyŋ jarqyn körınısı ekenın atap ötken. «Halyq Qaharmany» joǧary märtebelı ataǧynyŋ Bauyrjan Momyşūlyna berıluı – ūl qaharmanymen qatar, otty jyldarda ot keşken barlyq batyrlardyŋ ruhyna körsetılgen qūrmet ekendıgın erekşk atap körsettı.
Sonymen bırge, alǧys hatta Bauyrjan Momyşūly şaiqastarda körsetken qaharmandyǧy, temırdei tärtıbı men strategiialyq oilau qabıletı älemdık äskeri tarihta erekşe oryn alatyny körsetıldı.
Alǧys hatta Batyrdyŋ maidan dalasynda ǧana emes, beibıt ömırde de elge qyzmet etıp, amanat etıp qaldyrǧan ädebi bai mūrasy men adamgerşılık, tärtıp, otansüigıştık jönındegı taǧylymdy da tereŋ oilary bügıngı jastar üşın de, bolaşaq ūrpaq üşın de baǧa jetpes qūndy qazyna bolyp qala beretını aityldy.
Şyn mänınde Bauyrjan Momyşūly – küllı Alaş jūrtynyŋ aibynyna ainalyp, el basyna qiyn kün tuǧan qystalaŋ şaqta maidannyŋ aldyŋǧy şebınen tabylyp, Otan üşın ot keşken batyr ǧana emes, eldık pen erlıktıŋ, tärtıp pen tabandylyqtyŋ simvolyna ainalǧan dara tūlǧa. Onyŋ Mäskeu tübındegı qiian-keskı şaiqastardaǧy asqan erlıgı, qolbasşylyq daryny men temırdei tärtıbı älemdık äskeri tarihta öşpes ız qaldyrǧanyn jaqsy bılemız. Batyrdyŋ erlık ısterı – bır kezeŋnıŋ ǧana emes, küllı qazaq halqynyŋ namysy men asqaq ruhyn aişyqty beineleitın asyl mūra.
Prezidenttıŋ daŋqty qolbasşy Bauyrjan Momyşūlyna «Halyq Qaharmany» ataǧyn beru turaly Jarlyǧyn – ūlttyq sanany jaŋǧyrtyp, tarihi ädıldıktı ornyqtyrǧan, eldıŋ bırlıgın bekemdep, egemendıktıŋ eŋsesın biıktetken dūrys şeşım retınde joǧary baǧalanymyz dūrys bolmaq.
Būl – özınıŋ tuǧan elın şeksız süiıp, közı tırısınde oǧan adal qyzmet ete bılgen aituly erlerdıŋ asqaq ruhyna körsetılgen zor qūrmet, batyr babalardyŋ amanatyna degen adaldyqtyŋ aiǧaǧy.
Nūrjan Manasūly,
Jualy audandyq «Jaŋa ömır» gazetınıŋ bas redaktory
