«Alatau» dästürlı öner teatrynyŋ 2025 jylǧy şyǧarmaşylyq qorytyndysy turaly teatr direktory Maqsat Qapalbaiūly Nūraliev sūhbat berdı.
– 2025 jyldy artqa tastap, bır sät oiǧa üŋılsek, «Alatau» dästürlı öner teatry üşın būl jyl nesımen erekşelendı?
– Abaişa aitsaq, «Qairat pen aqyl jol tabar, qaşqanǧa da quǧanǧa». Biylǧy jyl – sol qairat pen aqyldyŋ, tabandylyq pen talǧamnyŋ synalǧan jyly boldy. 2025 jyl bız üşın tek esep-qisaptyŋ emes, ruhani salmaqtyŋ, körkemdık jauapkerşılıktıŋ jyly boldy. Teatr ūjymy ūlttyq önerdıŋ jügın arqalap, ony zaman talabymen sabaqtastyra bıldı.
– Jyl basyndaǧy respublikalyq gastroldık saparlar turaly aitsaŋyz.
– Säuır men mausym aralyǧynda elımızdıŋ är öŋırın aralap, 42 qoiylym körsettık. Būl – jai sapar emes, halyqpen ruhani jüzdesu edı. Balalarǧa arnalǧan «Ägugai men İgigäi» ertegısı arqyly jas buynnyŋ jüregıne meiırım men qiial dänın sepsek, «Abai–Toǧjan», «Aiman-Şolpan», «Altybaqan», «Alatau FM radiosy» sekıldı qoiylymdar ülkenderge ötken men bügınnıŋ arasyn jalǧaǧan köpır boldy. Ūlttyq dästür men zamanaui körkemdık bır sahnada tıl qatty.
– Teatrdyŋ halyqaralyq deŋgeidegı jetıstıkterı de airyqşa atalyp jür.
– İä, biyl «Alatau» teatry şekaradan asyp, ūlt önerın älemge tanytty. Mäskeude ötken A. P. Chehov atyndaǧy XVII Halyqaralyq teatr festivalınde «Mämlük. Sūltan Beibarys» saundramasy sahnalandy. Būl qoiylym – tarihqa taǧzym, ruhqa sert ıspettı dünie. Şeteldık körermen qazaq sahnasynyŋ tereŋdıgın, dramaturgiialyq tynysyn joǧary baǧalady.
Al Fransiianyŋ Avinon qalasynda ötken äigılı «A» klasty teatr festivalınde ūsynylǧan «Steppes Rhapsody» – qazaq dalasynyŋ äuenı men folklorlyq jadynyŋ körkem şejıresı boldy. Dombyra ünı Europa sahnasynda söilep, dala filosofiiasy öz tyŋdarmanyn tapty.
– Respublika künı aiasyndaǧy halyqaralyq mädeni şara da nazardan tys qalmady.
– Dūrys aitasyz. Almaty qalasy äkımdıgınıŋ qoldauymen Estoniianyŋ Tallin qalasynda ötken merekelık konsertte «Ūlytau» etno-rok toby öner körsettı. Būl – ūlttyq muzykanyŋ zamanaui ünmen älemge jol tartuynyŋ jarqyn körınısı boldy.
– Teatr ūjymy tek sahnada ǧana emes, käsıbi damu baǧytynda da belsendı boldy ma?
– Öner – üzdıksız ızdenıstı talap etedı. Biyl 15 qyzmetkerımız Malaiziiada ötken halyqaralyq oqu baǧdarlamasyna qatysyp, jaŋa täjıribe men bılım jinaqtady. Būl – bolaşaq qoiylymdardyŋ sapasyna salynǧan ruhani investisiia.
– İnkliuzivtı jobalar da teatr jūmysynyŋ bır bölıgıne ainaldy.
– Ūly oişyldar aitqandai, önerdıŋ tüp mūraty – adamǧa qyzmet etu. Jüsıpbek Aimauytov «Öner – halyqtıkı» degende, onyŋ tek taŋdaulylarǧa emes, är janǧa ortaq ekenın meŋzegen. Sol sebeptı teatr ūjymy üşın meilı köruı, meilı estuı şekteulı bolsyn – är körermennıŋ ruhani demalysyn ūiymdastyru basty qaǧidaǧa ainaldy.
Atalǧan bölımnıŋ qatysuymen qyrküiek aiynda estu qabıletı şekteulı jandar arasynda ötken «Jeŋıs valsı» X respublikalyq baiqauy, al qazan aiynda zaǧip änşılerge arnalǧan «Ekı jūldyz» halyqaralyq festivalı ūiymdastyryldy. Būl şaralar önerdıŋ tılge, dybysqa nemese köru mümkındıgıne täueldı emes, eŋ aldymen jürekke jol tabatyn ruhani qūbylys ekenın taǧy bır märte däleldedı.
Sonymen qatar, 2025 jyldyŋ qazan aiynda Taşkent qalasynda ötken estu mümkındıgı şekteulı sportşylar arasyndaǧy IV Aziia chempionaty men XIII halyqaralyq aşyq turnirde osy bölımnıŋ qyzmetkerlerı – Nina Jukovskaia men Alim Meŋdıbaev şahmat pen doibydan top jaryp, jeŋımpaz atandy. Būl – öner men sportta da mümkındıktıŋ emes, niet pen ruhtyŋ şeşuşı röl atqaratynyn körsetetın jarqyn mysal.
– 2025 jyl marapattarǧa da bai boldy.
– Eŋbek elense – eldıŋ mereiı ösedı. «Eŋbektıŋ tübı – bereke». Biylǧy marapattar – jeke adamǧa ǧana emes, tūtas ūjymǧa körsetılgen senımnıŋ belgısı dep bılemız. Mädeniet qyzmetkerlerı künıne orai Alma Amanjolova Memleket basşysynyŋ Jarlyǧymen «Eren eŋbegı üşın» medalımen marapattaldy. Būl – önerge adal qyzmet etudıŋ, tabandylyq pen jauapkerşılıktıŋ joǧary baǧalanuy.
Al sahna syrtyndaǧy közge körınbeitın, bıraq asa maŋyzdy eŋbegımen tanylǧan, 47 jylǧa juyq uaqyt teatrdyŋ ystyǧy men suyǧyna bırge tözgen kostiumer Saǧymkül Qarabalina men sözdıŋ kiesın arqalaǧan aqyn, dramaturg, «Alaş» halyqaralyq ädebi syilyǧynyŋ iegerı Baqyt Bedelhan Almaty qalasy äkımınıŋ Alǧys hatyna ie boldy. Būl – adal eŋbekke körsetılgen qūrmet.
Respublika künı qarsaŋynda teatr önerınıŋ damuyna ölşeusız üles qosqan Saǧyzbai Karabalin «Parasat» ordenımen marapattalsa, İnara Aubakirovaǧa «Qūrmet belgısı» tösbelgısı tabystaldy. Mūnyŋ bärı – öner jolynda ter tökken jandardyŋ eŋbegı eş ketpeitınınıŋ dälelı.
Syn men saraptyŋ tarazysynan da sürınbei öttık. Qazaqstan teatr synşylary bırlestıgınıŋ VII märte ūiymdastyrǧan «Synşylar jüldesı – 2025-te» Ädılet Tamenov «Temırtas» spektaklı üşın «Drama spektaklınıŋ jyl horeografy» nominasiiasynyŋ jeŋımpazy atandy.
Sondai-aq «Alatau» dästürlı öner teatry «Respublikalyq gastroldık saparlar» baǧyty boiynşa 1-oryndy ielenıp, el ışındegı ruhani qyzmetı joǧary baǧalandy. Al balalarǧa arnalǧan «Ägugai men İgigäi» ertegısı 7 637 körermen jinap, üzdık qoiylymdar qatarynan körınıp, 4-orynǧa ie boldy.
Abai aitqandai, «Sen de bır kırpış düniege, ketıgın tap ta, bar qalan». Är ärıptesımız öz ornyn tapty, öz ülesın qosty. Biylǧy marapattar – sol kırpışterdıŋ myqtap qalanǧanynyŋ aiǧaǧy.
– Jyl soŋyndaǧy şyǧarmaşylyq josparlarǧa toqtalsaŋyz.
– Jyl soŋynda rejisser Meiram Habibullin daiyndaǧan «Qairan Abai» spektaklı körkemdık keŋesten ötıp, maqūldandy. Būl – Abaidy mınberdegı eskertkış emes, tırı oi, tırı qaişylyq, tırı tūlǧa retınde körsetuge baǧyttalǧan qoiylym. Sonymen qatar, «Qorlan» spektaklı de aldaǧy mausymda körermenmen qauyşady.
– Söz soŋynda…
– 2025 jyl – «Alatau» dästürlı öner teatry üşın berekelı eŋbek pen biık jetıstıktıŋ jyly boldy. Bız Abai aitqan «tolyq adam» jolyn öner arqyly ızdep kelemız. Aldaǧy uaqytta da ūlttyq önerdıŋ şyraǧyn söndırmei, körermen jüregıne jol tabu – basty mūratymyz.
