Bügın, 7 qazanda Qazaqstanyŋ halyq ärtısı, Qyrǧyzstannyŋ eŋbek sıŋırgen ärtısı, Qazaqstan Jastar odaǧy syilyǧynyŋ iegerı Dosqan Joljaqsynov 75 jasqa toldy, dep habarlaidy «Adyrna» tılşısı.
Ol 1951 jyly Şyǧys Qazaqstan oblysynyŋ Kürşım audanynda tuǧan. Almaty memlekettık öner institutyn bıtırgen. Öner iesı Ǧ.Müsırepov atyndaǧy balalar men jasöspırımder teatrynyŋ akterı, 1995-2001 jyldary osy teatrdyŋ direktory ärı körkemdık jetekşısı bolǧan.
Akter teatr sahnasynda jäne kinoda 200-den astam beinenı somdaǧan. Dosqan Joljaqsynov ūlttyq kino önerınıŋ damuyna öz ülesın qosyp, «Gauhartas», «Daladaǧy quǧyn», «Altyn küz», «Ompa», «Aq barystyŋ ūrpaqtary», «Köşpendıler», «Bırjan sal» jäne taǧy da basqa filmderge tüsken.
Akterlık önerımen qatar rejisserlık, prodiuserlık jäne ssenaristık qyzmettermen de ainalysqan. Sonymen bırge halyq änderı men zamanaui kompozitorlardyŋ şyǧarmalaryn şeber oryndaityn änşı retınde tanylǧan.
