Qyrǵyzstan prezıdenti Sadyr Japarov respýblıkada sóz bostandyǵyn shekteý múmkin emes dep málimdedi. Degenmen, jaǵdaıdy turaqsyzdandyrýǵa múddeli, úgit-nasıhat arqyly halyq arasynda bılikke degen synı kózqarasty qalyptastyratyndar bar. Bul týraly ol «Kabar» basylymyna bergen suhbatynda «Temirov Live» onlaın-jobasy jýrnalısteriniń jaǵdaıyna qatysty pikirin bildirdi, dep habarlaıdy “Adyrna” ulttyq portaly.
Sadyr Japarov «sóz bostandyǵy» degen sózdiń astyna tyǵylyp, qalaǵanyn jasaıtyn mundaı adamdardy «jalǵan patrıottar» dep atady.
«Halyq arasynda synı oılaýdy damytýǵa baǵyttalǵan úgit-nasıhat jumystary belsendi júrgizilýde. Bul memlekettigimizge, dilimizge, salt-dástúrimizge qaıshy keledi. Jalǵan aqparat taraýda, bireýge jala jabý áreketteri kóbeıdi», - dep atap ótti saıasatker.
Birneshe saǵattan keıin «Kabar» agenttigi Japarovtyń suhbatynyń mátinin ózgertip, odan «halyq arasynda synı oılaýdy damytýǵa baǵyttalǵan úgit-nasıhat» degen sózdi alyp tastady.
