Memleket basshysy Qasym-Jomart Toqaev Alataý qalasyn qurý týraly jarlyqqa qol qoıdy, dep habarlaıdy "Adyrna” ulttyq portaly Aqordanyń baspasóz qyzmetine silteme jasap.
“1.Almaty oblysynyń Ile aýdany odan Jetigen aýylyn bólý jolymen qaıta qurylsyn.
2. Almaty oblysy Ile aýdanynyń Jetigen aýyly oblystyq mańyzy bar qala sanatyna jatqyzylsyn jáne onyń ataýy Alataý qalasy bolyp ózgertilsin.
3. Qazaqstan Respýblıkasynyń Úkimeti osy Jarlyqtyń 1 jáne 2-tarmaqtaryn iske asyrý jóninde qajetti sharalar qabyldasyn.
4. Osy Jarlyq alǵashqy resmı jarııalanǵan kúninen bastap qoldanysqa engiziledi",-delingen Toqaevtyń seısenbide qol qoıylǵan "Almaty oblysynyń ákimshilik-aýmaqtyq qurylysyndaǵy ózgerister týraly" jarlyǵynda.
Esterińizge sala keteıik, Qazaqstanda jańa Alataý qalasyn qurý josparlanýda. Bul týraly 15 qarashada habarlanǵan bolatyn, al 30 qarashada T8,6 trln ınvestıııa, F1 trassasy men golf alańyn salýdy qamtıtyn bas jospar jarııalandy.
“Adyrna” ulttyq portaly
