Prezident Qasym-Jomart Toqaev «Rossiiskaia gazeta» basylymynda Astana men Mäskeudıŋ arasyndaǧy qatynastar turaly maqalasyn jariialady, dep habarlaidy "Adyrna" ūlttyq portaly.
Maqalada memleket basşysy ekı el arasyndaǧy strategiialyq serıktestık pen odaqtastyqtyŋ maŋyzdylyǧyna toqtalyp, «Mäŋgılık dostyq – halqymyz üşın jol körsetkış» dep atady.
Prezident atap ötkendei, qazaq pen orys halyqtary ǧasyrlar boiy qatar ömır sürıp, quanyş pen qiyndyqty bırge bölısıp, Euraziianyŋ bırtūtas mädeni keŋıstıgın qalyptastyrǧan.
«Bızdıŋ halqymyzdy ortaq dästürlı qūndylyqtar, zamanaui ömırge ūqsas közqarastar jäne bauyrlas halyqtardyŋ äl-auqatyn qamtamasyz etuge bırlesken jūmys bırıktıredı», – deidı Qasym-Jomart Toqaev.
Maqalada Qazaqstan täuelsızdık alǧannan berı Reseimen dostyq qatynastardy damytuǧa erekşe män bergenı, 1992 jyly jasalǧan «Mäŋgılık dostyq, yntymaqtastyq jäne özara kömek turaly kelısım» ekı el arasyndaǧy senımdı negız qalaǧany aitylǧan. Būl kelısımnıŋ basty ideiasy – «mäŋgılık dostyq» qazırgı kezde de özektılıgın joǧaltpaǧan.
Prezident strategiialyq serıktestık pen odaqtastyqtyŋ ekı eldıŋ qauıpsızdıgı men tūraqtylyǧy üşın maŋyzdy ekenın atap öttı. Sonymen qatar, Qazaqstan Prezidentı Qasym-Jomart Toqaev Resei prezidentı Vladimir Putinnıŋ halyqaralyq arenadaǧy rölın joǧary baǧalap, ötken jylǧy memlekettık sapardyŋ tarihi maŋyzyn atap öttı.
Ekonomikalyq yntymaqtastyq ta erekşe nazarda: ekı eldıŋ tauar ainalymy 30 mlrd dollarǧa jaqyndap, investisiialyq bailanystar belsendı damyp keledı. 170-ten astam bırlesken joba jüzege asyrylyp, Qazaqstanda Resei kapitaly bar 20 myŋnan astam kompaniia jūmys ısteidı. Energetika, atom elektr stansiiasyn salu, kölık-logistika salalary da maŋyzdy.
Maqalada mädeniet, bılım, ǧylym jäne gumanitarlyq saladaǧy bailanystarǧa erekşe köŋıl bölıngen. Qazaqstanda toǧyz reseilık universitettıŋ filialy jūmys ısteidı, MGİMO filialy aşylǧan, Omskıdegı QazŪU filialy Reseide bılım berudıŋ ülgısı bolyp otyr. Sondai-aq, «Alleia Mäŋgılık dostyǧy» jäne «Qazaqstan-Resei dostyǧy skverı» siiaqty jobalar halyqtar arasyndaǧy bailanystardy nyǧaitady.
11-12 qaraşada Prezident Qasym-Jomart Toqaev Reseige memlekettık saparmen barady.
Sapar barysynda Vladimir Putinmen kelıssözder jürgızılıp, XXI Qazaqstan men Reseidıŋ aimaqaralyq yntymaqtastyq forumynda söz söileidı. Sonymen qatar bırqatar maŋyzdy ekıjaqty qūjattarǧa qol qoiu josparlanǧan.
