Qyrǵyzstan prezıdenti Sadyr Japarov resmı saparmen Qazaqstanǵa keledi. Bul týraly Qazaqstan men Qyrǵyz Respýblıkasy syrtqy ister mınıstrleriniń kezdesýinde belgili boldy, dep habarlaıdy “Adyrna” ulttyq portaly.
"Qyrǵyzstan prezıdenti Sadyr Japarov 2024 jyly resmı saparmen Qazaqstanǵa barady", - dep habarlady Qyrǵyzstannyń syrtqy ister mınıstri Jeenbek Kýlýbaev.
Aıta keteıik, Qazaqstan premer-mınıstriniń orynbasary – syrtqy ister mınıstri Murat Nurtileý Bishkekte júr.
Qyrǵyz Respýblıkasy syrtqy ister mınıstrliginiń habarlaýynsha, bıyl eki eldiń úkimet basshylarynyń tóraǵalyǵymen qyrǵyz-qazaq úkimetaralyq komıssııasynyń otyrysy ótedi.
