Qazaqstan sportşylary İtaliiada ötken 2026 jylǧy Qysqy Paralimpiada oiyndarynyŋ soŋǧy jarys künınde öner körsetıp, paraşaŋǧy jarysynda jüldege bır qadam jetpei qaldy.
Erler arasyndaǧy 20 şaqyrymdyq jeke paraşaŋǧy jarysynda («tūryp jarysu» sanaty) Qazaqstan atynan Aleksandr Gerlis, Vladislav Kobal jäne Nūrlan Älımov baq synady.
Qazaqstandyqtar arasyndaǧy eŋ üzdık nätijenı Aleksandr Gerlis körsettı. Ol jeŋımpazdan +2:24.3 uaqytqa qalyp, törtınşı bolyp märege jettı jäne jüldege bır qadam ǧana jetpei qaldy.
Vladislav Kobal segızınşı oryn aldy (+3:46.6), al Nūrlan Älımov jarysty 16 orynmen aiaqtady (+6:20.6).
Jarystyŋ barlyq jüldegerlerı Qytai sportşylary boldy.
2026 jylǧy Qysqy Paralimpiada oiyndary 15 nauryzda aiaqtaldy.
Qazırgı uaqytta Qazaqstan qūramasynyŋ qorjynynda ekı medal bar:
- biatlondaǧy sprinttık quu jarysynda altyn;
- paraşaŋǧy sprintınde qola.
Ekı jüldenı de el qorjynyna Erbol Hamitov saldy.
