Bügın, 4 qaraşa künı Astanada Qazaqstan men Resei qorǧanys ministrlerı Aidos Myrzahmetov pen Andrei Belousov 2027 jylǧa arnalǧan ekıjaqty äskeri yntymaqtastyq josparyna qol qoidy, dep habarlaidy «Adyrna» tılşısı.
Josparda äskeri kadrlardy daiarlau, jauyngerlık daiyndyq jäne äskeri-tehnikalyq yntymaqtastyq baǧyttaryndaǧy özara ıs-qimyl mäselelerı qamtylǧan.
Qorǧanys vedomstvolarynyŋ basşylary äskeri bılım beru salasyndaǧy yntymaqtastyqty damytuǧa, jauyngerlık jäne käsıbi daiarlyq boiynşa täjıribe almasuǧa niettı ekenın bıldırdı.
Sondai-aq oqytuşylar arasyndaǧy özara bailanysty nyǧaitu, bırlesken ǧylymi-täjıribelık konferensiialar men seminarlar ötkızu mümkındıkterı qarastyryluda.
Eske salaiyq, bügın Resei Federasiiasynyŋ qorǧanys ministrı Qazaqstanǧa jūmys saparymen kelgen bolatyn.
Al Aidos Myrzahmetov Kaspiidegı 14 teŋızşınıŋ qazasynan keiın 27 qyrküiekte Qorǧanys ministr bolyp taǧaiyndalǧan. Ol ministr retınde mūndai qūjatqa alǧaş ret qol qoiyp otyr.
