Reseı memlekettik Dýmasy Reseı men Iran arasyndaǵy jan-jaqty strategııalyq áriptestik týraly qańtarda qol qoıylǵan kelisimdi resmı túrde ratıfıkaııalady, dep habarlaıdy “Adyrna” ulttyq portaly.
Kelisim qaýipsizdik, qorǵanys, halyqaralyq saıasat, ekonomıka jáne qarjy salalarynda tyǵyz yntymaqtastyqty kózdeıdi. Qujatta eki eldiń áskerı-tehnıkalyq salada, barlaý jáne qaýipsizdik qyzmetteri aıasynda jeke kelisimder negizinde ózara árekettesetini atap kórsetilgen.
Sonymen qatar, kelisimde úshinshi bir memlekettiń bir tarapqa qarsy áskerı agressııasy bolǵan jaǵdaıda, ekinshi tarap agressorǵa kómek kórsetpeýge jáne jaǵdaıdy BUU Jarǵysy men halyqaralyq normalar negizinde retteýge járdemdesýge mindetteledi.
Taraptar Kaspıı óńiri, Ortalyq Azııa, Ońtústik Kavkaz jáne Taıaý Shyǵysta beıbitshilik pen turaqtylyqty nyǵaıtýǵa, bul aımaqtarda úshinshi memleketterdiń aralasýyna jol bermeýge ýaǵdalasty.
Saýda-ekonomıkalyq salada taraptar ulttyq valıýtalarmen esep aıyrysatyn tólem ınfraqurylymyn damytýdy, tikeleı bankaralyq baılanysty nyǵaıtýdy jáne ulttyq qarjy ónimderin keńeıtýdi kózdeıdi.
