Qazaqstan biyl 5,7 trln teŋge qaryz alady. Būl turaly QR Premer-Ministrı Älihan Smaiylov Qarjy ministrlıgınıŋ keŋeitılgen alqa mäjılısınde aitty, dep habarlaidy “Adyrna” ūlttyq portaly.
«Biudjet tapşylyǧyn jabu men memlekettık qaryzǧa qyzmet körsetu üşın qarajat tartu da maŋyzdy mäsele. Biyl biudjet tapşylyǧynyŋ JIÖ-ge qatynasy 2,7% nemese 3,2 trln teŋge boldy.
Būryn tartylǧan qaryzdardy öteu qajettılıgın eskersek, qaryz alu qajettılıgı 5,7 trln teŋgenı qūraidy. Būl qomaqty soma», - dedı Älihan Smaiylov.
Ükımet basşysy būl baǧyttaǧy qaryzdyŋ negızgı bölıgı teŋgemen jäne ışkı naryqtan alynuy kerektıgın eskerttı.
«Tapşylyqty negızınen ūlttyq valiutadaǧy Işkı qaryz alu arqyly qarjylandyru qajet. Osylaişa bız valiutalyq täuekelderdı teŋestıremız jäne ışkı naryqty damytamyz.
Osyǧan qaramastan, biudjet tapşylyǧyn qarjylandyru üşın qarajat tartudyŋ barlyq äleuetın, onyŋ ışınde syrtqy naryqtarǧa şyǧudy paidalanu qajet.
Osy baǧyttaǧy jūmys biudjettı atqaru kezınde kassalyq alşaqtyqtar bolmaityndai, al barlyq boryştyq indikatorlar qauıpsız deŋgeide bolatyndai etıp qūryluy tiıs», - dedı Premer-Ministr.
