Memleket basşysy Qasym-Jomart Toqaev Resei Joǧarǧy sotynyŋ töraǧasy İgor Krasnovty qabyldady. Būl turaly 18 qaraşada Aqordanyŋ baspasöz qyzmetı jazdy, dep habarlaidy «Adyrna» tılşısı.
Qasym-Jomart Toqaev kezdesu barysynda ortaq tarihqa, tatu körşılıkke, sondai-aq qos halyq arasyndaǧy özara qūrmet pen berık bailanysqa negızdelgen Qazaqstan-Resei qarym-qatynasynyŋ airyqşa sipatyna nazar audarǧan.
Prezidenttıŋ aituynşa, memleketaralyq qatynastardyŋ jan-jaqty strategiialyq serıktestık jäne odaqtastyq deŋgeiıne köterıluı barlyq baǧyttaǧy, sonyŋ ışınde qūqyq salasyndaǧy yqpaldastyqtyŋ da däiektı türde damyp kele jatqanyn körsetedı.
Qasym-Jomart Toqaev elımızdıŋ bükıl memlekettık-qūqyqtyq jüiesın jaŋǧyrtuǧa baǧyttalǧan auqymdy saiasi reformalarǧa toqtalǧan.
Öz kezegınde Resei Joǧarǧy sotynyŋ töraǧasy Qazaqstan sotymen belsendı yqpaldastyq jolǧa qoiylǧanyn jetkızgen. Atap aitqanda, tarihta tūŋǧyş ret ekı eldıŋ joǧary sot instansiialary arasynda yntymaqtastyq turaly kelısımge qol qoiylǧan. Būl qūjat käsıbi dialogqa, sot törelıgın sifrlandyruǧa jäne jasandy intellektını qoldanysqa engızuge negız bolady.
Sonymen qatar İgor Krasnov ǧylym jäne bılım beru salalarynda, äsırese, bılıktılıktı arttyru jäne sot qyzmetkerlerınıŋ sifrlyq daǧdylaryn damytu baǧytynda serıktestık aiasyn keŋeituge müddelı ekenın rastaǧan.
