Jasandy intellekt tehnologiialardy ǧana emes, basqaru, bılım beru jäne qoǧamdyq kommunikasiia täsılderın de özgertude. Sondyqtan universitetter studentterge teoriialyq bılımdı naqty keister arqyly tekserıp, halyqaralyq sarapşylarmen bırge jūmys ısteuge mümkındık beretın bılım beru ortasyn qalyptastyruy qajet.
2026 jylǧy 13 qaraşada Narhoz universitetınde «Jasandy intellektını paidalanu arqyly transformasiia joly» (AI Transformation Journey) taqyrybynda vorkşop öttı. Is-şara Europalyq odaqtyŋ Connectivity for Central Asia (C4CA) halyqaralyq jobasy aiasynda ūiymdastyrylyp, studentterdı, oqytuşylardy jäne Finliandiia sarapşylaryn bırıktırdı.
Vorkşop «Saiasi būqaralyq kommunikasiialar» bılım beru baǧdarlamasynyŋ aǧylşyn bölımınde oqityn ekınşı kurs studentterıne arnalǧan «Älemdık saiasi üderıster» pänı şeŋberınde ötkızıldı. Būl format sifrlyq transformasiiany tehnologiialyq jaŋaru retınde ǧana emes, basqaruşylyq jäne kommunikasiialyq mındet retınde qarastyruǧa mümkındık berdı.
Finliandiialyq sarapşylar qatarynda Laurea qoldanbaly ǧylymdar universitetınıŋ ǧylymi-zertteu qyzmetı men Human-Centric Technology zertteu tobynyŋ jetekşısı doktor Asko Mononen; Laurea universitetınıŋ aǧa oqytuşysy, basqaru, köşbasşylyq jäne ūiymdyq damu salalarynyŋ mamany Oskari Vesterinen; HAUS Finnish Institute of Public Management ūiymynyŋ mamany ärı joba menedjerı, HAUS tarapynan C4CA jobasy jetekşılerınıŋ bırı Linda-Lotta Luhtala boldy.
Sarapşylardyŋ käsıbi baǧyttary bırın-bırı tolyqtyrdy. Talqylau barysynda jasandy intellektını adamǧa baǧdarlanǧan täsılmen engızu, ūiymdardyŋ özgerısterge daiyndyǧy, sifrlyq qūzyretterdı damytu, transformasiialyq jobalardy basqaru jäne sifrlyq inkliuziia mäselelerı qarastyryldy.
Vorkşoptyŋ praktikalyq bölımı komandalyq jūmysqa negızdeldı. Studentter toptarǧa bölınıp, Kaspi.kz, Narhoz universitetı, Air Astana jäne Testsentr keisterın taŋdady. Är komanda ūiym qyzmetın taldap, jasandy intellektını engızu, üderısterdı sifrlandyru jäne jūmys tiımdılıgın arttyru jönınde ūsynystar äzırledı.
Studentter transformasiiany qajet etetın üderısterdı anyqtap, tiımdı tehnologiialyq şeşımderdı taŋdady. Sonymen bırge ūsynylǧan özgerısterdıŋ qyzmetkerlerge, klientterge jäne qoǧamǧa yqpalyn baǧalady. Būl jūmys jasandy intellektını tabysty engızu tek tehnologiianyŋ sapasyna bailanysty emes ekenın körsettı. Naqty maqsat, etikalyq qaǧidattar, ūiymnyŋ özgerısterge daiyndyǧy jäne dūrys ūiymdastyrylǧan kommunikasiia da maŋyzdy.
Studentterdıŋ pıkırı
Damir Nasyrov: «AI Transformation Journey vorkşopy öte qyzyqty ärı tanymdy boldy. Äsırese Kaspi.kz jäne onyŋ jaŋa Kasper AI-funksiiasyna arnalǧan toptyq keispen jūmys ısteu ūnady: bız jasandy intellektını kündelıktı servisterge engızu mümkındıkterın qarastyrdyq. Finliandiia sarapşylarynyŋ pıkırlerı men praktikalyq täjıribesın tyŋdap, jaŋa bılım alu jäne AI-transformasiiaǧa basqa qyrynan qarau öte qūndy boldy.»
Elnara Avakri: «Men üşın vorkşop qyzyqty ärı paidaly täjıribe boldy. Bız jasandy intellektını teoriia jüzınde talqylap qana qoimai, praktikalyq keispen jūmys ıstep, mäselenı är qyrynan qarastyrudy jäne şeşım ızdeudı üirendık. Finliandiialyq sarapşylar sifrlyq transformasiia kezınde AI mümkındıkterımen qatar onyŋ qoǧamǧa, memleketke jäne kündelıktı ömırge yqpalyn eskeru qajet ekenın tüsınuge kömektestı. Vorkşoptan keiın būryn nazar audarmaǧan sūraqtar turaly oilana bastadym.»
Aijan Qūdaibergenova: «Vorkşop bızge öte ūnady, öitkenı naqty keistermen jūmys ıstep, ideialarymyzben bölıstık jäne AI kündelıktı mäselelerdı şeşuge qalai kömektese alatynyn talqyladyq. Finliandiialyq sarapşylardyŋ közqarasyn tyŋdap, olardyŋ täjıribesınen üirenu de qyzyqty boldy. Eŋ bastysy, vorkşop bızdı auditoriia şeŋberınen şyǧyp, öz universitetımızde engızuge bolatyn jaŋa bastamalar turaly oilanuǧa jıgerlendırdı.»
Qūqyq jäne memlekettık basqaru mektebınıŋ jūmys tobyna professor Ainūr Qūsaiynova jäne qauymdastyrylǧan professor Mädi Kenjaliev kırdı.
Vorkşop «Älemdık saiasi üderıster» pänı aiasynda ötkızıldı. Pän oqytuşysy – assistent-professor Janar Äbdıqadyrova.
Connectivity for Central Asia jobasy 2025-2028 jyldary Global Gateway strategiiasy jäne Team Europe bastamasy aiasynda jüzege asyrylady. Joba Qazaqstan, Qyrǧyzstan, Täjıkstan, Türıkmenstan jäne Özbekstandy qamtidy. Onyŋ maqsaty – Ortalyq Aziiada qauıpsız, qoljetımdı jäne inkliuzivtı sifrlyq infraqūrylym men qyzmetterdı damytuǧa yqpal etu.
Narhoz universitetınıŋ osyndai halyqaralyq bastamalarǧa qatysuy studentterdıŋ jahandyq deŋgeidegı özektı mäselelermen jūmys ısteuıne mümkındık beredı.
«Saiasi būqaralyq kommunikasiialar» baǧdarlamasy saiasi üderıster, media jäne strategiialyq kommunikasiialar turaly bılımdı zamanaui tehnologiialyq özgerısterdı praktikalyq taldaumen ūştastyrady.
Mūndai bılım beru formaty bolaşaq mamandarǧa sifrlyq transformasiiany syrttai baqylap qana qoimai, onyŋ qoǧamdyq saldaryn tüsınuge, şeşım qabyldauǧa qatysuǧa jäne biznes, memleket pen qoǧam üşın jauapty ūsynystar äzırleuge kömektesedı.
Janar Äbdıqadyrova, Ainūr Qūsaiynova
