Foto: QTJ baspasözı
«Qazaqstan temır joly» ūlttyq kompaniiasy basqarma töraǧasy men «Samūryq-Qazyna» qory basşysynyŋ ūstaluyna qatysty pıkır bıldırdı, dep habarlaidy "Adyrna" ūlttyq portaly.
Kompaniia qūqyq qorǧau organdaryna qajettı aqparat pen materialdardy ūsynyp, tergeuge jan-jaqty kömek körsetıp jatqanyn aitty.
QTJ baspasöz qyzmetınıŋ habarlauynşa, qazırgı uaqytta kompaniiada resmi jariialanǧan mälımetterden basqa qosymşa aqparat joq. Qylmystyq-prosestık kodekstıŋ 201-babyna säikes, sotqa deiıngı tergep-tekseru derekterı jariia etılmeidı. Osyǧan bailanysty ūlttyq kompaniia äzırge qosymşa tüsınıkteme bere almaitynyn jetkızdı.
Sondai-aq QTJ men «Qazaqstan temır joly» ŪK» AQ tobyna kıretın ūiymdar qalypty jūmys tärtıbınde qyzmetın jalǧastyryp jatqany aityldy. Kompaniia investorlar, kreditorlar, halyqaralyq qarjy ūiymdary jäne ıskerlık serıktester aldyndaǧy mındettemelerdıŋ tolyq kölemde saqtalatynyn mälımdedı.
12 qaraşada Ūlttyq qauıpsızdık komitetı «Samūryq-Qazyna» AQ basqarma töraǧasy Nūrlan Jaqypovtyŋ, «Qazaqstan temır joly» ŪK» AQ basşysy Eljas Otynşievtıŋ jäne özge de tūlǧalardyŋ ūstalǧanyn resmi rastady.
ŪQK mälımetınşe, olar sybailas jemqorlyq qylmystaryn jasady degen küdıkke ılıngen. Qazır ıstıŋ män-jaiyn anyqtauǧa baǧyttalǧan tergeu amaldary jürgızılıp jatyr.
Osy oqiǧadan keiın äleumettık jelılerde Astanadaǧy Qonaev köşesınde ornalasqan tūrǧyn üi keşenınıŋ maŋynan şaşylǧan dollar banknottary tüsırılgen video tarady. Jelı qoldanuşylary aqşany basşylardyŋ ūstaluymen bailanystyruy mümkın degen boljam aitty. Sondai-aq tıntu kezınde aqşa salynǧan sömkeler men chemodandardyŋ päter terezesınen laqtyrylǧany turaly aqparat tarady. Alaida būl mälımetter men tabylǧan aqşanyŋ tergeuge qatysy äzırge resmi türde rastalǧan joq.
