Foto: Aqorda
Erteŋ, 13 qaraşada Prezident Qasym-Jomart Toqaevtyŋ töraǧalyǧymen Qauıpsızdık keŋesınıŋ kölık-logistika salasyn damytu mäselelerıne arnalǧan şūǧyl otyrysy ötedı, dep habarlaidy “Adyrna”.
Būl turaly Memleket basşysynyŋ keŋesşısı – Baspasöz hatşysy Aibek Smadiiarov äleumettık jelıdegı paraqşasynda habarlady.
Jiynda Prezident «Samūryq-Qazyna» ūlttyq äl-auqat qory men «Qazaqstan temır joly» ūlttyq kompaniiasy basşylarynyŋ sybailas jemqorlyq qylmysyna qatysy bar degen küdıkpen ūstaluyna bailanysty memlekettıŋ ūstanymyn bıldıredı.
Sondai-aq Memleket basşysy «Zaŋ men tärtıp» qaǧidatyn saqtau, ūlttyq kompaniia basşylarynyŋ jeke jauapkerşılıgın arttyru, strategiialyq maŋyzy bar käsıporyndardyŋ qyzmetınde zaŋdylyq pen aşyqtyqty qamtamasyz etu mäselelerıne toqtalady.
Būdan bölek, «Samūryq-Qazyna» qorynyŋ jūmysyn reformalau, ūlttyq kompaniialardyŋ basqaru qūrylymyn oŋtailandyru, memlekettık satyp aludyŋ aşyqtyǧyn qamtamasyz etu jäne «Qazaqstan temır jolynyŋ» tarif saiasatyn özgertu mäselelerı de kün tärtıbınde qaralady.
