Briusseldegı äigılı ratuşada Qazaqstan täuelsızdıgınıŋ 35 jyldyǧy toilandy

166
Adyrna.kz Telegram
https://adyrna.kz/storage/uploads/tLuFRj1aZM3NCcl5KrGsaZea346ickAtbwhtIdgK.jpg

El Täuelsızdıgınıŋ 35 jyldyǧy qarsaŋynda Briussel qalasynyŋ jüregınde, IýNESKO-nyŋ Bükılälemdık mūralar tızımıne engen, XIV ǧasyrda salynǧan eŋ körıktı ärı tarihi säulet tuyndysy — äigılı Gran-Plas alaŋyndaǧy qalalyq ratuşada qazaq önerınıŋ märtebesın asqaqtatqan mädeni şara ūiymdastyryldy. Europanyŋ törınde ötken būl tarihi keşke  Europa halqy men şeteldegı otandastarymyz qatysty.

Europalyq qauymdastyq nazaryna ūsynylǧan auqymdy festivalde qazaqtyŋ ūlttyq önerı men mädenietınıŋ qaitalanbas ülgılerı paş etıldı. Atalmyş saltanatty keşte körermenderge ūlttyq ruhty asqaqtatqan «Şymkent konsert» konserttık ūiymynyŋ önerpazdary erekşe baǧdarlama ūsyndy. Keş şyraiyn kırgızgen ūjymdar men öner ielerı:

• «Qaǧan» etnofolklorlyq ansamblı — qazaqtyŋ köne ünı men zamanaui sarynyn üilestırıp, jürekterdı tebırenttı;

• «Iаssy» bi ansamblı — ūlttyq bidıŋ myŋ būralǧan keremetın körsetıp, europalyq körermenderdıŋ ystyq yqylasyna bölendı;

• Talantty solister Ainūr Nazarbekova men Astana Qarǧabai özderınıŋ äserlı dauystarymen än şyrqap, keştıŋ körkın qyzdyrdy.

Būl auqymdy mädeni şara qazaq önerınıŋ şekara talǧamaitynyn, bauyrlastyq pen beibıtşılıktıŋ simvoly — «Şaŋyraq» ideiasynyŋ älem keŋıstıgınde asqaqtap tūrǧanyn taǧy bır märte däleldedı. Europa jūrtşylyǧy qazaq halqynyŋ bai mädeni mūrasymen tanysyp, ūlttyq önerımızge täntı boldy.

Briusselde ötken būl dübırlı doda el Täuelsızdıgınıŋ maŋyzyn aişyqtap, halyqaralyq mädeni bailanystardy nyǧaitu jolyndaǧy tarihi maŋyzy zor tegeurındı qadam boldy.

Pıkırler