QR Parlament Mäjılısınıŋ deputaty Saiasat Nūrbek, 24.kz arnasyna bergen sūhbatynda, Timur Serjanovtyŋ Nūr Otan partiiasynyŋ modernizasiiasy jönındegı bırneşe sūraqqa jauap berdı, dep habarlaidy "Adyrna" tılşısı 24.kz saityna sılteme jasap.
Jurnalistıŋ Qazaqstandaǧy partiialyq qūrylystyŋ damu paradigmasynyŋ özgeru türın eskere otyryp, Nūr otan partiiasynyŋ ötken tarihyn, saiasi jolyna qatysty qoiǧan sūraǧyna "partiia qandai da bır jaǧdaidy syni deŋgeige jetkızdı dep aita almaimyn" dep kesıp jauap qatty.
"Partiialardyŋ qalyptasuynyŋ öte maŋyzdy kezeŋderı boldy, eger bız kezeŋdı eske alsaq onda fraksiialardyŋ qalyptasuynyŋ alǧaşqy ülken parlamenttık toptarynyŋ qūryluy zaŋnamalyq reformalardyŋ ülken paketın jüzege asyruda jaŋa zaŋdardyŋ bastamalary boldy. Sondyqtan, bylaişa aitqanda, partiia özınıŋ mındetın oryndamady dep aituǧa bolmaidy. Men eşqaşan olai aitpas edım. İä, jūmysta ülken būrmalanular boldy, keibır jüielı kemşılıkter boldy, al elımızdıŋ memlekettılıgın qalyptastyrudyŋ tarihi mındetterı men zaŋdardyŋ bazalyq paketınıŋ koalisiialyq tärtıbın qalyptastyruda, filialdardyŋ qūrylymyn qūruda, halyqpen kerı bailanys arnalaryn qalyptastyruda tolyq qandy özgerıster ornatyldy. İnfraqūrylym jaǧynan partiia öz mındetın oryndady" dep jauap berdı.Sūhbat barysynda Saiasat Nūrbek özınıŋ deputattyqtan ketkenıne eş ökınbeitının, kerısınşe qazır jeke käsıpke köŋıl bölıp, Qazaqstandaǧy jeke käsıpkerlerdıŋ halı müşkıl ekenın atai kettı.
"Men 2017 jyly memlekettık qyzmetten, jalpy odan özge barlyq lauazymdarymnan ketıp, jeke bizneske bardym. Būl men üşın sanaly şeşım boldy. Men aşyq bäsekelestık ortada ömır sürudı üirenuım kerek ekenın tüsındım. Naryqtyq ekonomikada jäne mıne soŋǧy bes jyl ışınde naryqtyq ortadamyn. Men mūnyŋ qanşalyqty qiyn ekenın tüsındım, qazır men tek bızdıŋ biznesımızge jäne käsıpkerlerge qanşalyqty qiyn ekenın tüsıne bastadym" dedı ol.
"Adyrna" ūlttyq portaly
Ūqsas jaŋalyqtar
