Prezıdent tek qana Forbes-taǵy jigittermen emes, memleket múddesin oılaıtyn azamattarmen kezdesýi kerek. Bul pikirdi depýtat Edil Jańbyrshın jýrnalıst Nartaı Aralbaıulyna bergen suhbatynda aıtty, dep habarlaıdy “Adyrna” ulttyq portaly.
“Prezıdenttiń tapsyrmasyn kún-túni jumys jasap, soǵan múddeli bolyp, eshqandaı klandardyń, toptardyń qyzyǵýshylyǵyn emes, memlekettiń múddesin birinshi kezekke qoıatyn, sondaı mamandardy, bilikti menedjerlerdi qoıyp, jumys jasatýymyz kerek.
Meniń jaratpaıtynym: “19 mln adamnyń ishinde sondaı adam bar ma?” degen. Ol kadrlardyń aıtyp júrgen áńgimesi. “Bizden basqa eshkim joq” dep. Olardan basqa adamdar bar. Tek olar emes qaımaǵy qazaqtyń. Sender olardy prezıdenttiń mańyna jolatpaı basyp otyrsyńdar! Nege? Sebebi, “ózimizden asyp ketedi, ózimizden jaqsy ıdeıalardy berip qoıady. Ol tek qana biz arqyly ótý kerek” deıtinder bolmaıdy.
Prezıdentke kanaldyń bárin ashýymyz kerek. Prezıdent barlyq mamandarmen, ǵalymdarmen, basy jasaıtyn menedjerlermen kezdesýi kerek. Prezıdent tek qana óz bıznesin oılaıtyn Forbes-taǵy jigittermen emes, memleket múddesin oılaıtyn azamattarmen kezdesýi kerek”,- dedi ol.
