Qoǵam qaıratkeri, aqyn Oljas Súleımenov Nobel syılyǵyna usynyldy, dep habarlaıdy “Adyrna” ulttyq portaly.
«1989 jyly 8 aqpanda KSRO-da alǵashqy qoǵamdyq birlestik – «Nevada-Semeı» halyqaralyq antııadrolyq qozǵalysy (HQQ) quryldy. Atalǵan qozǵalys Qazaqstan halqynyń atynan ıadrolyq synaqtardy toqtatýdy jáne ıadrolyq qarýdy joıýdy jáne qazaq jerindegi Semeı ıadrolyq polıgonynyń jabylýyn talap etti. Qozǵalystyń bastamashysy ári jetekshisi – halyq aqyny Oljas Omaruly Súleımenov. «Nevada-Semeı» MAD-nyń ıadrolyq qarýsyzdanýǵa qarsy bastamalary búkil álemge keńinen tanymal!» – delingen «Baıtaq» halyqtyq-ekologııalyq partııasynyń Qazaqstan prezıdenti Qasym-Jomart Toqaevqa joldaǵan úndeýinde.
«Qazir álem úshinshi dúnıejúzilik soǵys qaýpi men yqtımal ıadrolyq teketirestiń aldynda turǵanda, álemdik qaýymdastyqqa Qazaqstannyń beıbitshilik bastamalaryn eske salatyn ýaqyt keldi».
«Baıtaq» halyqtyq ekologııalyq partııasy sizge Oljas Omaruly Súleımenovti Beıbitshilik salasyndaǵy Nobel syılyǵyna usyný týraly bastamamen úndeý tastaıdy! Qurmetti Qasym-Jomart Kemeluly, bizdiń bastamamyzǵa jan-jaqty kómek pen qoldaý kórsetýińizdi jáne Qazaqstan Respýblıkasy Syrtqy ister mınıstrligine Norvegııalyq Nobel komıtetine júginý týraly tıisti buıryqtar berýińizdi suraımyz», - delingen úndeýde.
