«Ashyq zańdy tulǵalar» portalynda QR Densaýlyq saqtaý mınıstrliginiń eldegi abıýzerlerge májbúrli psıhologııalyq terapııany engizýge qatysty buıryǵy jarııalandy. Osy qujatqa sáıkes, turmystyq zorlyq-zombylyq jasaǵan adamdardy psıhoterapevtik kýrstan ótý tártibi men emdeý baǵdarlamasy bekitildi, dep habarlaıdy “Adyrna” ulttyq portaly.
“Buıryq jobasynda zorlyq-zombylyqqa qatysty quqyq buzýshylyq jasaǵan adamdarǵa psıhologııalyq kómek kórsetý tártibi, sondaı-aq psıhologtarǵa medıınalyq-psıhologııalyq túzetý baǵdarlamasyn júrgizý jáne turmystyq zorlyq-zombylyq jasaǵan adamdarmen jumys júrgizý talaptary qarastyrylǵan” delingen túsindirme hatta.
Osylaısha, Densaýlyq saqtaý mınıstrligi otbasyndaǵy agressorlardyń minez-qulqyn ózgertýge, olardy emoııalaryn basqarýǵa úıretýge jáne janjaldardy sheshýdiń basqa joldaryn izdeýge kómektespek.
Sonymen qatar, psıhologtarǵa túzetý baǵdarlamasyn júrgizý jáne turmystyq zorlyq-zombylyq jasaǵan adamdarmen jumys isteý talaptary bekitilýde. Qujatqa sáıkes, densaýlyq saqtaý mekemelerinde psıhologııalyq túzetý jumystary júrgiziledi.
