«Aşyq zaŋdy tūlǧalar» portalynda QR Densaulyq saqtau ministrlıgınıŋ eldegı abiuzerlerge mäjbürlı psihologiialyq terapiiany engızuge qatysty būiryǧy jariialandy. Osy qūjatqa säikes, tūrmystyq zorlyq-zombylyq jasaǧan adamdardy psihoterapevtık kurstan ötu tärtıbı men emdeu baǧdarlamasy bekıtıldı, dep habarlaidy “Adyrna” ūlttyq portaly.
“Būiryq jobasynda zorlyq-zombylyqqa qatysty qūqyq būzuşylyq jasaǧan adamdarǧa psihologiialyq kömek körsetu tärtıbı, sondai-aq psihologtarǧa medisinalyq-psihologiialyq tüzetu baǧdarlamasyn jürgızu jäne tūrmystyq zorlyq-zombylyq jasaǧan adamdarmen jūmys jürgızu talaptary qarastyrylǧan” delıngen tüsındırme hatta.
Osylaişa, Densaulyq saqtau ministrlıgı otbasyndaǧy agressorlardyŋ mınez-qūlqyn özgertuge, olardy emosiialaryn basqaruǧa üiretuge jäne janjaldardy şeşudıŋ basqa joldaryn ızdeuge kömektespek.
Sonymen qatar, psihologtarǧa tüzetu baǧdarlamasyn jürgızu jäne tūrmystyq zorlyq-zombylyq jasaǧan adamdarmen jūmys ısteu talaptary bekıtılude. Qūjatqa säikes, densaulyq saqtau mekemelerınde psihologiialyq tüzetu jūmystary jürgızıledı.
Ūqsas jaŋalyqtar
