Atyraý oblysynda Jaıyqtaǵy sý deńgeıi kóterilýde, dep habarlaıdy “Adyrna” ulttyq portaly oblystyq tótenshe jaǵdaılar jónindegi shtab málimetine siltep.
«Qazgıdromet» RMK-nyń 2024 jylǵy 27 sáýir, saǵat 8.00-degi jaǵdaıyna sáıkes Atyraý oblysy aýmaǵynan keletin aǵynǵa baılanysty Batys Qazaqstan oblysy, Jaıyq ózenindegi sý deńgeıi ózgerdi», - delingen senbide taraǵan habarlamada.
Aqparatqa sáıkes:
• Jaıyq ózeni – Inderbor aýylynyń ólsheý stansasynda deńgeı 626 sm, deńgeı kóterilýi +13 sm, tasqyn basynan beri jalpy kóterilý 403 sm;
• Jaıyq ózeni – Mahambet kentindegi ólsheý stansasynda deńgeı 735 sm shamasynda, sý deńgeıiniń kóterilýi táýligine +7 sm, tasqyn basynan beri jalpy kóterilýi 418 sm;
• Atyraý qalasy Jaıyq ózeniniń ólsheý stansasynda deńgeı 431 sm, sý deńgeıiniń bir táýlikte kóterilýi +3 sm, tasqyn basynan beri jalpy kóterilý 240 sm.
Sý deńgeıi odan ári kóteriledi dep kútilýde.
«27 sáýirdegi jaǵdaı boıynsha Irıklınsk sý qoımasynan sekýndyna 192 tekshe metr sý tógildi», - delingen habarlamada.