Bügın aqyn, jurnalist, qazırgı aitys önerınıŋ ūiymdastyruşysy, Qazaqstannyŋ eŋbek sıŋırgen qairatkerı Jürsın Moldaşūly Ermannyŋ tuǧan künı. Ol 1951 jyly tuǧan, Qaraǧandy oblysy, Ūlytau audany, Quraily auylynda düniege kelgen.
Qypşaq taipasynyŋ Ūzyn ruynyŋ Däuıtbai bölımınen şyqqan. QazMU-dyŋ jurnalistika fakultetın (1976), Almaty joǧary partiia mektebın (1982) bıtırgen. 1980 jylǧa deiın Jezdı audany “Oktiabr tuy” gazetınde ädebi qyzmetker, 1971 – 78 jyldary Jezqazǧan oblysy teleradiokomitetınde aǧa redaktor, 1978 – 80 jyldary bas redaktor boldy. 1982 – 92 jyldary Qazaq respublikalyq teledidarynda bas redaktor, 1992 – 96 jyldary “Qazaq ädebietı” gazetınde, “Jūldyz” jurnalynda bölım meŋgeruşısı, “Qazaq memleketı” gazetınde bas redaktordyŋ bırınşı orynbasary, “Qazaqstan qanaty” – “Krylia Kazahstana” gazetınde bas redaktor bolyp ıstedı. 1997 – 2003 jylǧa deiın şyǧarmaşylyq jūmysta boldy. 2003 – 06 jyldary L.N. Gumilev atyndaǧy Euraziia ūlttyq universitetınıŋ gumanitarlyq ǧylymi-zerttteu ortalyǧynda jetekşı ǧylymi qyzmetker, zerthana meŋgeruşısı, 2006 jyldan “Qazaqstan” respubltkalyq teleradiokorporasiiasy AQ Basqarma töraǧasynyŋ orynbasary – Qazaq radiosynyŋ bas direktory. Tūŋǧyş öleŋder jinaǧy – “Janartau” 1983 jyly jaryq kördı.
"Adyrna" ūlttyq portaly
Ūqsas jaŋalyqtar
