بۇگىن - ءجۇرسىن ەرماننىڭ تۋعان كۇنى!

1976
Adyrna.kz Telegram

بۇگىن اقىن، جۋرناليست، قازىرگى ايتىس ونەرىنىڭ ۇيىمداستىرۋشىسى، قازاقستاننىڭ ەڭبەك سىڭىرگەن قايراتكەرى ءجۇرسىن مولداشۇلى ەرماننىڭ تۋعان كۇنى. ول 1951 جىلى تۋعان، قاراعاندى وبلىسى، ۇلىتاۋ اۋدانى، قۋرايلى اۋىلىندا دۇنيەگە كەلگەن. 

قىپشاق تايپاسىنىڭ ۇزىن رۋىنىڭ ءداۋىتباي بولىمىنەن شىققان. قازمۋ-دىڭ جۋرناليستيكا فاكۋلتەتىن (1976), الماتى جوعارى پارتيا مەكتەبىن (1982) بىتىرگەن. 1980 جىلعا دەيىن جەزدى اۋدانى “وكتيابر تۋى” گازەتىندە ادەبي قىزمەتكەر، 1971 – 78 جىلدارى جەزقازعان وبلىسى تەلەراديوكوميتەتىندە اعا رەداكتور، 1978 – 80 جىلدارى باس رەداكتور بولدى. 1982 – 92 جىلدارى قازاق رەسپۋبليكالىق تەلەديدارىندا باس رەداكتور، 1992 – 96 جىلدارى “قازاق ادەبيەتى” گازەتىندە، “جۇلدىز” جۋرنالىندا ءبولىم مەڭگەرۋشىسى، “قازاق مەملەكەتى” گازەتىندە باس رەداكتوردىڭ ءبىرىنشى ورىنباسارى، “قازاقستان قاناتى” – “كرىليا كازاحستانا” گازەتىندە باس رەداكتور بولىپ ىستەدى. 1997 – 2003 جىلعا دەيىن شىعارماشىلىق جۇمىستا بولدى. 2003 – 06 جىلدارى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ گۋمانيتارلىق عىلىمي-زەرتتتەۋ ورتالىعىندا جەتەكشى عىلىمي قىزمەتكەر، زەرتحانا مەڭگەرۋشىسى، 2006 جىلدان “قازاقستان” رەسپۋبلتكالىق تەلەراديوكورپوراتسياسى اق باسقارما توراعاسىنىڭ ورىنباسارى – قازاق راديوسىنىڭ باس ديرەكتورى. تۇڭعىش ولەڭدەر جيناعى – “جانارتاۋ” 1983 جىلى جارىق كوردى.

"ادىرنا" ۇلتتىق پورتالى

پىكىرلەر