Búgin, 15 shilde qazaqtyń tuńǵysh bard-aqyny Tabyldy Dosymovtyń týǵan kúni.
Ǵumyrynda janyna gıtarany serik etken aqyn 1965 jyly 15 shildede Atyraý oblysynyń Inderbor kentinde dúnıege kelgen.
Onyń «Janarymnyń jarqyly» (2000), «Unatamyn men seni» (2002), «Jaıyqtyń tolqyndary», «Tabyldynyń áni» atty óleńder men án mátinderi oqyrmandar arasynda qoldan qolǵa ótti. Ánderi keń baıtaq eliniń rýhyn kóterdi. Ókinishke qaraı, qazaqtyń tuńǵysh bard-aqyny nebári 2010 jyly 45 jasynda uıqysynan oıanbaı qaldy. Quddy bir óziniń ólimin sezip ketkendeı.
“Tirlikti mynaý, janym-aı, máńgilik deme, Uıyqtap ketsem bir kúni, oıanbaı qalam...” dep jyrlap, qamshynyń sabyndaı qysqa ǵana ǵumyrda «oıanbaı qalǵan» bard-aqynnyń óleń-jyrlary oqyrmanynyń árqaısysynyń júregin áli de jylytyp júr.
