بەلگىلى جازۋشى، ەتنوگراف بولات بوپايۇلىنىڭ دۇنيەدەن وتكەنى حابارلاندى. بۇل تۋرالى جۋرناليست مارات ءبايدىلداۇلى ءوزىنىڭ الەۋمەتتىك جەلىدەگى پاراقشاسىندا ەستىرتتى.
«قازىر عانا كورنەكتى ەتنوگراف، عالىم، قازاقستان جازۋشىلار وداعىنىڭ مۇشەسى، قازاق ۇلتتىق ادەت-عۇرىپ، سالت-ءداستۇر اكادەمياسىنىڭ اكادەميگى بولات بوپايۇلى ءىنىمىز اللاعا اماناتىن تاسىرىپتى!» - دەگەن ول ءتۇن ورتاسىنا جۋىقتاعاندا.
مارات ءبايدىلداۇلى مارقۇم تۋرالى «ءبىلىپ ايتاتىن، بيپازداپ سويلەيتىن، ادەت-عۇرپىمىزعا جەتىك بوكەڭ تۇلا بويى تۇنعان ەتنوگراف بولاتىن. ول 1960 جىلى 1 قاڭتاردا قىتاي ەلىندە ەرتىستىڭ ساعاسىنداعى كوكتوعايدا تۋىپ وسكەن. جوعارى ءبىلىم العان سوڭ شىڭجاڭ ولكەسىندەگى وقۋ-اعارتۋ ىسىنە اتسالىستى. العاشقى شىعارمالارى سول جاقتا جارىق كوردى. اتامەكەنگە ورالعان سوڭ ەتنوگرافيا سالاسىمەن تۇبەگەيلى اينالىستى»، - دەپ جازدى.
مارات ءبايدىلداۇلىنىڭ جازۋىنشا، ەتنوگرافتىڭ سوڭىندا «قازاق مىنەزى»، «قازاق كادەسى»، «قازاقى ءتۇس جورۋ»، «باستاۋدان باقيعا دەيىن»، «قازاقتىڭ گۇل مادەنيەتى»، «قازاق ناۋرىزناماسى»، «قازاق اسپان ەسەبى» سياقتى وننان استام كىتاپتارى قالدى.
بولات بوپايۇلى 1986 جىلى ىلە پەداگوگيكالىق ۋنيۆەرسيتەتىنىڭ قازاق ءتىل-ادەبيەتى فاكۋلتەتىن، 1998 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتى فيلولوگيا فاكۋلتەتىنىڭ قازاق ادەبيەتى مەن تەورياسى كافەدراسىندا اسپيرانتۋرانى بىتىرگەن.
بولات بوپايۇلى كەيىنگى وتىز جىلدا قازاقتىڭ ەتنوگرافيالىق تاقىربىن تەرەڭ زەرتتەپ 30-دان استام كىتاپ جازدى.
