17 ناۋرىز كۇنى اباي اتىنداعى قازاق ۇلتتىق وپەرا جانە بالەت تەاترىنىڭ ساحناسىندا وزبەكستان پرەزيدەنتىنىڭ كومەكشىسى سايدا ميرزيەەۆانىڭ يدەياسى بويىنشا جاسالعان «لازگي. جان مەن ماحاببات ءبيى» بالەتىنىڭ پرەمەراسى ءوتتى، دەپ حابارلايدى “ادىرنا” ۇلتتىق پورتالى.
«بۇعان دەيىن قازاقستانعا كەلگەن ساپارىمىزدا «لازگي. جان مەن ماحاببات ءبيى» بالەتىنىڭ وسى باۋىرلاس ەلدە قويىلۋىن تىلەگەن ەدىك. تىلەگىمىز ورىندالدى. 17 ناۋرىزدا اباي اتىنداعى ۇلتتىق وپەرا جانە بالەت تەاترىنىڭ ساحناسىندا بالەتتىڭ پرەمەراسى ءوتتى»، — دەدى سايدا ميرزيوەۆا.
مۇنداي مادەني شارالار ءبىزدىڭ ونەرىمىزدىڭ سۇلۋلىعىن اشىپ قانا قويماي، باۋىرلاس حالىقتار اراسىنداعى دوستىق پەن باۋىرلاستىقتى نىعايتىپ، ءوزارا قارىم-قاتىناستاردى جاڭا دەڭگەيگە كوتەرۋگە ىقپال ەتەدى.
«پرەزيدەنتىمىز بەلگىلەگەن كورشىمەن تاتۋ ءداستۇرىن ۇستانا وتىرىپ، ءبىز ورتالىق ازيا مەملەكەتتەرىمەن ەكونوميكالىق، ساياسي جانە مادەني سالالارداعى ىنتىماقتاستىقتى كەڭەيتۋگە ۇمتىلامىز. ءبىز ەل اراسىنداعى كەلىسىم مەن بىرلىك بۇل ايماقتى ىنتىماقتىڭ قۋاتتى ورتالىعىنا اينالدىرا الاتىنىنا نىق سەنەمىز»، - دەپ جازدى سايدا ميرزيوەۆا ءوزىنىڭ Telegram-ارناسىندا.
