Belgili jazýshy, etnograf Bolat Bopaıulynyń dúnıeden ótkeni habarlandy. Bul týraly jýrnalıst Marat Baıdildauly óziniń áleýmettik jelidegi paraqshasynda estirtti.
«Qazir ǵana kórnekti etnograf, ǵalym, Qazaqstan Jazýshylar odaǵynyń múshesi, Qazaq Ulttyq ádet-ǵuryp, salt-dástúr akademııasynyń akademıgi Bolat Bopaıuly inimiz Allaǵa amanatyn tasyrypty!» - degen ol tún ortasyna jýyqtaǵanda.
Marat Baıdildauly marqum týraly «Bilip aıtatyn, bıpazdap sóıleıtin, ádet-ǵurpymyzǵa jetik Bókeń tula boıy tunǵan etnograf bolatyn. Ol 1960 jyly 1 qańtarda Qytaı elinde Ertistiń saǵasyndaǵy Kóktoǵaıda týyp ósken. Joǵary bilim alǵan soń Shyńjań ólkesindegi oqý-aǵartý isine atsalysty. Alǵashqy shyǵarmalary sol jaqta jaryq kórdi. Atamekenge oralǵan soń etnografııa salasymen túbegeıli aınalysty», - dep jazdy.
Marat Baıdildaulynyń jazýynsha, etnograftyń sońynda «Qazaq minezi», «Qazaq kádesi», «Qazaqy tús jorý», «Bastaýdan baqıǵa deıin», «Qazaqtyń gúl mádenıeti», «Qazaq naýryznamasy», «Qazaq aspan esebi» sııaqty onnan astam kitaptary qaldy.
Bolat Bopaıuly 1986 jyly Ile pedagogıkalyq ýnıversıtetiniń qazaq til-ádebıeti fakýltetin, 1998 jyly ál-Farabı atyndaǵy Qazaq memlekettik ulttyq ýnıversıteti fılologııa fakýltetiniń qazaq ádebıeti men teorııasy kafedrasynda aspırantýrany bitirgen.
Bolat Bopaıuly keıingi otyz jylda Qazaqtyń etnografııalyq taqyrbyn tereń zerttep 30-dan astam kitap jazdy.
