الماتىدا ايگىلى «مەنىڭ اتىم قوجا» ءفيلمىنىڭ جالعاسى رەتىندە تۇسىرىلگەن «قوجا. جاڭا ساياحات» كينوكارتيناسىنىڭ تۇساۋكەسەرى ءوتتى، دەپ حابارلايدى "ادىرنا" ۇلتتىق پورتالى.
بالالىق شاقتىڭ ەستەلىگىن جاڭعىرتقان تۋىندى كوپشىلىكتىڭ كوڭىلىنەن شىقتى. ءفيلمدى تاماشالاعان كورەرمەندەر الەۋمەتتىك جەلىدە ءوز اسەرلەرىمەن ءبولىسىپ، جىلى لەبىزدەرىن ءبىلدىردى.
«جۇرەكتەسىڭ، قوجا!» ، «جىلادىق، وتە اسەرلى شىعىپتى»، «ءبىز وسى كينومەن وسكەنبىز، ەندى بالالارىمدى الىپ كەلدىم. بۇلار دا وسى كينونى كورىپ ءوسسىن»، — دەپ كورەرمەن وتاندىق كينووندىرىستى قولدايتىنىن جەتكىزدى.
«قوجا. جاڭا ساياحات» ءفيلمى ەلىمىزدىڭ كينوتەاترلارىندا 13 ناۋرىزدان باستاپ كورسەتىلە باستادى.
ايتا كەتەيىك، جاڭا كينوتۋىندىنىڭ تۇسىرىلىمدەرى الماتى وبلىسىنىڭ كەگەن اۋدانىنداعى جالاڭاش، ساتى اۋىلدارىندا وتكەن.
